बंशगाेपाल दुग्ध  सहकारीको  भेला सम्पन्न

१ कातिक/ हेटाैडा ।हेटाैडा ६ चाैघडामा रहेकाे बंशगाेपाल दुग्ध  उत्पादक सहकारी  संस्थाकाे ३४ आै वार्षिक  साधारणसभा  शनिवार सम्पन्न  भएकाे छ ।
हृटाैडा उपमहानगरपालिका  ६ का वडा अध्यक्ष  विष्णु बहादुर दाहालकाे प्रमुख आतिथ्यता एवम सहकारीका अध्यक्ष  रामहरि चाैलागाईकाे सभाध्यतामा साधारणसभा  सम्पन्न  भएकाे हाे ।
साधारणसभामा संस्था अध्यक्ष  चाैलागाईले संस्थागत प्रतिवेदन, उपाध्यक्ष  केशव धितालले कृषक हितकाेषकाे प्रतिवेदन, लेखा संयाेजक जयराम घिमिरेले  लेखा समितिकाे प्रतिवेदन र पशुधन संरक्षण  तथा पशु स्वास्थ्य  उपसमितिका संयाेजक सूर्य प्रसाद दुलालले पशु धनकाे प्रतिवेदन पेश गरेका थिए ।
सभाकाे अवसरमा संस्थाले आव ०८१/०८२ मा सबै भन्दा धेरै  दूध विक्री गर्ने आशिष मल्ल , बासुदेव अधिकारी , बलराम गाैतम, रजत श्रेष्ठ , नवराज  ढकाल र रामनाथ बास्ताेला, गाेठ सफा राख्ने दिलकुमारी खत्री, भाडा सफा राख्ने कुल प्रसाद चाैलागाई, गुणस्तरीय  दूध विक्री गर्ने श्यामप्रसाद  न्याैपाने र दिलकुमारी अधिकारीलाई पुरस्कृत गरिएकाे थियोे  ।
यसैगरी  उत्कृष्ट  बचतकर्ता टीका तिमल्सिना, देवीचन्द्र खड्का, असली काराेवारी नरबहादुर  सापकाेटा र लक्ष्मी  कार्कीलाई समेत पुरस्कृत गरिएको  थियाे ।
साधारणसभामा वडा सदस्य  विजय पाैडेल, सरिता  सापकोटा, लेखराज ढकाल, संस्थापक अध्यक्ष  हरिप्रसाद  सिग्देल, सल्लाहकार  बासुदेव अधिकारी , साधुराम चाैलागाई,  बालकृष्ण  चाैलागाई,  जिल्ला दुग्ध उत्पादक सहकारी  संघ मकवानपुरका  उपाध्यक्ष  अर्जुनप्रसाद  देवकोटा, कामधेनु बहुउद्देश्यीय  सहकारीका अध्यक्ष  उदय विडारी, नाैलाे विहानी कृषि सहकारीका अध्यक्ष  विष्णुप्रसाद  ढुङ्गाना लगायतकाे आतिथ्यता रहेकाे थियाे ।