नवनियुक्त सञ्चारमन्त्री खरेलद्वारा पदभार ग्रहण
काठमाडौँ । सञ्चार तथा सूचना प्रविधिमन्त्री जगदिश खरेलले मन्त्रालयमा पुगेर पदभार ग्रहण गर्नुभएको छ । आज राष्ट्रपति कार्यालयमा पद तथा गोपनीयताको शपथ ग्रहण लगत्तै सिंहदरबारस्थित कार्यालय पुगी उहाँले पदभार ग्रहण गर्नुभएको हो ।
पदभार ग्रहण गर्दै मन्त्री खरेलले काठमाडौँसहित देशका प्रमुख १० सहरका सार्वजनिक स्थानमा पाँच महिनाभित्र निःशुल्क वाइफाइ सेवा उपलब्ध गराउने पहिलो निर्णय गर्नुभएको मन्त्रालयका सहसचिव तथा प्रवक्ता गजेन्द्रकुमार ठाकुरले बताउनुभयो ।
पदभार ग्रहण गर्नुभएपछि स्वागत कार्यक्रममा नवनियुक्त मन्त्री खरेलले कर्मचारीलाई काम गर्ने क्रममा कुनै हस्तक्षेप नगर्ने बताउनुभयो । “देशको कर्मचारीतन्त्रलाई विश्वास गर्न चाहन्छु, यो ६ महिनामा म काममा कुनै हस्तक्षेप गर्दैन, देश र जनतालाई केन्द्रमा राखेर काम गर्नुहोला” उहाँले थप्नुभयो, “६ महिनापछि सुखद विदाई हुन पाउँ, नेपालको कर्मचारीतन्त्र खतम छ भन्ने सन्देश होइन, सक्षम छ भन्ने सन्देश लिएर जान पाउँ ।”
प्रधानमन्त्री सुशीला कार्कीले सुशासन कायम गर्ने प्रतिवद्धतासहित देशको जिम्मेवारी लिनुभएको र त्यसमा आफूहरुले सहयोग गर्ने उहाँले बताउनुभयो । नेपाललाई डिजिटल फ्रेमवर्क बनाउने यसअघिको सरकारको योजनालाई आफूले पनि अगाडि बढाउने उहाँले प्रतिवद्धता व्यक्त गर्नुभयो । युवा पुस्ताका लागि केही भए पनि राम्रो गर्न पाउँ भन्ने आफ्नो उद्देश्य रहेको बताउँदै उहाँले थप्नुभयो, “देशको महत्वपूर्ण ठाउँमा इन्टरनेटको निःशुल्क सेवा प्रदान गर्नेछौं । इन्टरनेट पहुँच सबैसामु पुगाउन यो काम गर्नुपर्छ ।” आजको यो दुई महिना भित्र निःशुल्क इन्टरनेट सेवा व्यवस्था भइसक्ने उहाँले बताउनुभयो ।
जीवनको यो २५ वर्षमा अरुलाई प्रश्न सोधेर विताएको चर्चा गर्नुहुँदै सञ्चारमन्त्री खरेलले आफू अहिले जिम्मेवारीमा आएर जवाफ दिने ठाउँमा पुगेको बताउनुभयो । आफू पत्रकारिताको पृष्ठभूमिबाट आएकाले देश बनाउन सबै पक्षको हातेमालोको आवश्यकता हुने बताउनुभयो । नेपाली पत्रकारिताले देशको परिवर्तनमा महत्वपूर्ण भूमिका खेल्दैआएको र अवको दिनमा पनि रचनात्मक भूमिका खेल्नुपर्ने उहाँले बताउनुभयो ।
मन्त्रालयका सचिव राधिका अर्याल, सहसचिव तथा प्रवक्ता गजेन्द्रकुमार ठाकुरसहित मन्त्रालयका कर्मचारीले मन्त्री खरेललाई स्वागत गर्नुभएको थियो ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...