शिक्षक भलिबल प्रतियोगिता मंसिर पहिलो सातामा हुने

मकवानपुर । नेपाल रेडक्रस सोसाइटी मकवानपुर जिल्ला शाखाको वार्षिक कार्यक्रम अन्तर्गतको जिल्लास्तरीय शिक्षक भलिबल प्रतियोगिता मंसिर पहिलो साता हुने भएको छ । बुधबार मकवानपुरगढी–५ स्थित शारदा माध्यमिक विद्यालयमा सम्पन्न बैठकले आगामी मंसिर ५ र ६ गते प्रतियोगिता आयोजना गर्ने निर्णय गरेको हो ।

शारदा माध्यमिक विद्यालयले आफ्नो स्वर्ण जयन्तीको अवसरमा उक्त प्रतियोगिता आयोजना गर्ने भएको छ । बैठकमा प्रतियोगिताको सफल आयोजनाका लागि आवश्यक तयारीका विषयमा विस्तृत छलफल भएको थियो । बैठकमा नेपाल रेडक्रस सोसाइटी मकवानपुरका उपमन्त्री शिवहरि दाहाल, कार्यसमिति सदस्य रामजी सापकोटा र पिताम्बर बास्तोला, कार्यालय प्रमुख लक्ष्मण भट्टराई, मकवानपुरगढी गाउँपालिका वडा नं ५ का अध्यक्ष दिपेश दाहाल, शारदा माध्यमिक विद्यालयका अध्यक्ष युवराज सापकोटा, प्रधानाध्यापक इन्द्रबहादुर कार्कीलगायतको उपस्थिति रहेको थियो ।