सीमावासीसँग सशस्त्र प्रहरी कार्यक्रम,सीमामा देखिएका समस्याहरूबारे अन्तर्क्रिया
मकवानपुर । सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीले सप्तरीका सीमावासीसँग सीमामा देखिएका समस्याहरूबारे अन्तर्क्रिया गरेको छ।
बिहीबार सशस्त्र प्रहरी बल नेपाल नम्बर ६ गण हेडक्वाटर सप्तरीमा भारतसँग सीमा जोडिएको पालिका प्रमुख, वडाध्यक्ष र नागरिकसँग सीमा समस्याबारे अन्तर्क्रिया गरेको हो ।
“सीमावासीसँग सशस्त्र प्रहरी कार्यक्रम” नाराका साथ सशस्त्र प्रहरी बल नेपाल नम्बर ६ गण हेडक्वाटर सप्तरीले आयोजना गरेको अन्तर्क्रियामा सरोकारवालाहरूले सीमास्तम्भको निर्माण र बन्द रहेका छोटी भन्सार सञ्चालनमा ल्याउन माग गर्नुभएको छ ।
डाक्नेश्वरी नगरपालिकाका नगर प्रमुख रामलखन मलाहले सीमाक्षेत्रमा रहेका छोटी भन्सारहरू बन्द भएको कारण व्यापारीहरूले सास्ती भोग्नु परेको बताउनुभयो । उहाँले भन्सार नभएकै कारण राम्रो मनसायले ल्याइएका सामान पनि प्रहरीले नियन्त्रणमा लिएर भन्सार पठाउने गरेको गुनासो गर्नुभयो ।
बलान बिहुल गाउँपालिकाका अध्यक्ष खेमचन्द्र यादवले सीमाक्षेत्रका सबै भन्सार सञ्चालनमा ल्याइए राजस्वमा वृद्धि हुने र तस्करी नियन्त्रणमा पनि मद्दत पुग्ने विश्वास व्यक्त गर्नुभयो । तिलाठी कोइलाडी गाउँपालिका अध्यक्ष अरुणकुमार मंडलले सीमाक्षेत्रमा हराएका सीमास्तम्भहरू अविलम्ब निर्माण गर्नुपर्नेमा जोड दिनुभयो ।
हनुमाननगर कङ्कालिनी नगरपालिकाका नगर प्रमुख बिरेन्द्र माझीले कोशी क्षेत्रमा बर्सेनि आउने बाढीले सीमास्तम्भ बगाएर लग्ने भएकोले हुँदा नियमित निगरानी र अनुगमन हुनुपर्ने बताउनुभयो । कार्यक्रममा सहभागीहरूले सीमाक्षेत्रमा देखिएका दुई देशबिच उत्पन्न हुने समस्या, लागुऔषधको कारोबार लगायतका समस्याहरू राख्दै बारे समाधान गर्न माग गर्नुभयो ।
कार्यक्रममा सहभागीहरूबाट जिज्ञासाको जवाफ दिनुहुँदै प्रमुख अतिथि सशस्त्र प्रहरी बल, नेपाल नम्बर २ छिन्नमस्ता वाहिनी मुख्यालय महोत्तरीका सहायक बाहिनीपति सशस्त्र प्रहरी वरिष्ठ उपरीक्षक अशोककुमार बमले हराएका सीमास्तम्भ दुबै देशको सहभागिता निर्माण गरिने प्रतिबद्धता जनाउनुभयो । उहाँ सीमाक्षेत्रको समस्याबारे मधेश प्रदेशका आठवटै जिल्लाका सीमावासीसँग अन्तर्क्रिया गर्ने योजना अनुसार सप्तरीमा कार्यक्रम गरिएको बताउनुहुँदै आएको सुझाव ग्रहण गर्दै समस्याको समाधान गरिने धारणा राख्नुभयो ।
सशस्त्र प्रहरी बल नेपाल नम्बर ६ गण हेडक्वाटर सप्तरीलेका गणपति प्रहरी उपरीक्षक रोशन बुढाथोकीले स्वागत् मन्तव्य राख्दै नेपाल भारत सीमाक्षेत्रको अवस्थाबारे जानकारी गराउनुभयो ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...