हेटौंडामा २५ गजभित्रका विद्युत् संरचना हटाउन प्राधिकरणको सूचना

मकवानपुर । बिद्युत प्राधिकरण हेटौंडा वितरण केन्द्रले अबको केही दिनमै विस्तार हुन लागेको राजमार्गको २५ गजभित्र पर्ने संरचनाहरूबाट विद्युतीय मिटरलगायतका उपकरण हटाउन बिहीबार सूचना जारी गरेको छ।

महेन्द्र राजमार्गको हेटौंडा–१५ रातोमाटेदेखि बुद्धचोक र राप्ती पुलसम्म, साथै त्रिभुवन राजपथको बुद्धचोकदेखि सामरी पुलसम्म सडक सीमा खाली गराउने काम अगाडि बढेकाले विद्युतीय संरचना स्थानान्तरण आवश्यक भएको प्राधिकरणले जनाएको छ।

राजमार्गको दायाँ–बायाँ २५र२५ गजभित्र रहेका मिटरबक्स, पोल र अन्य विद्युतीय उपकरण हटाउन उपभोक्तालाई छिटो भन्नै वितरण केन्द्रसँग समन्वय गर्न आग्रह गरिएको छ। विद्युत् संरचना स्थानान्तरणकै क्रममा दुर्घटना र क्षति हुन नदिन प्रभावित क्षेत्रका उपभोक्तालाई विशेष सावधानी अपनाउन समेत वितरण केन्द्रले अनुरोध गरेको छ।