हेटाैँडा ४ ले विध्यार्थीलाई शनिबार र आईतबारकाे छुट्टीमा सीप सिकाउने

हेटाैँडा/हेटाैँडा उपमहानगरपालिका ४ नं. वडाले आफ्नाे वडाभित्रका सामुदायिक तथा संस्थागत विध्यालयका विध्यार्थीलाई विभिन्न सीप प्रदान गर्ने भएकाे छ । वडाका विभिन्न विध्यालयका ७५ जना विध्यार्थीलाई व्यवसायिक तालिम प्रदान गरि सीप सिकाउँन लागेकाे हाे । वडाका विध्यालयका कक्षा ९ का विध्यार्थीहरूकाे लागि सञ्चालन गर्न लागिएकाे कपाल काट्ने, व्यूटी पार्लर र ईलेक्टिक तालिमकाे  संयुक्त रूपमा विहीबार उद्घाटन गरिएकाे छ ।

उद्घाटन कार्यक्रमका प्रमुख अतिथि तथा हेटाैँडा-४ नं. वडाका अध्यक्ष नवीन सिग्देलले विध्यालयदेखि नै विध्यार्थीलाई सीप दिनुपर्ने बताउँदै विध्यालयबाट नै विध्यार्थीलाई व्यवसायिक सीपमूलक तालिम आवश्यक रहेकाे बताउँनु भयाे । उहाँले सामुदायिक र संस्थागत विध्यालयका विध्यार्थीलाई सहभागी गराएर सीपमूलक तालिम संचालन गर्न लागिएकाे, शनिबार र आईतबारकाे दूईदिनकाे छुट्टीलाई जेठ र असार दूई महिना तालिम सञ्चालन गर्ने बताउँनु भयाे । कार्यक्रममा भुटनदेवी माविका प्रअ सूर्यप्रसाद घिमीरेले ४ नं. वडा कार्यालयले  सीपमूलक तालिम सञ्चालन गरेर महत्वपूर्ण कार्य गरेकाे बताउँदै तालिमलाई उपयाेगी बनाउन र सदुपयाेग गर्न विध्यार्थीलाई आग्रह गर्नुभयाे ।

कार्यक्रमका सभाध्यक्ष शैक्षिक गुणस्तर सुधार समितिका अध्यक्ष तथा श्रमिक माविका प्रअ श्रीराम दाहालले वडा कार्यालयकाे आयाेजनामा यस्ताे कार्यक्रम देशमा नै पहिलाे र नयाँ हुनसक्ने बताउँदै तालिम सहभागितामा विध्यार्थीहरूकाे उत्साहजनक चासाे रहेकाे बताउँनु भयाे । कार्यक्रममा वडा कार्यालयका सचिव रामप्रसाद गुरागाईँ, भुटनदेवी माविका सहप्रअहरू भरत पाेखरेल, वेदराज काेईराला र प्रशिक्षकहरूकाे आथित्यता रहेकाे थियाे ।