मकवानपुरमा घरको माथिल्लो तलाबाट खसेर वृद्धको मृत्यु

मकवानपुर । माघ १४ गते आफ्नै घरको एक तला माथिबाट लडेका मकवानपुरको बागमती गाउँपालिका–५, लिलावनका ६४ वर्षीय दिलबहादुर घलानको मृत्यु भएको छ ।

आफ्नै घरको एक तल्लाबाट लडेर घाइते भएका दिलबहादुरलाई उपचारका लागि काठमाडौंस्थित नेपाल मेडिकल कलेज लगिएको थियो । माघ १५ गते दिलबहादुरलाई काठमाडौं मेडिकल कलेज सिनामंगल लगिएको थियो । सोमबार बिहान ५ बजेको समयमा दिलबहादुरको उपचारको क्रममा मृत्यु भएको बागमती प्रदेश प्रहरी कार्यालय मकवानपुरले जानकारी दिएको छ ।