देशमा भूराजनीतिक चलखेल भयो – उपमहासचिव ज्ञवाली
१ कात्तिक/हेटौंडा । नेकपा (एमाले) को उपमहासचिव प्रदीप ज्ञवालीले देटशमा जेनजीको नाउँमा भएको विध्वंशकारी घटनालाई भूराजनीतिक चलखेलको रुपमा ब्याख्या गर्नुभएको छ ।
नेकपा (एमाले) मकवानपुरको बिस्तारित भेला तथा शुभकामना आदान प्रदान कार्यक्रमलाई शनिबार हेटौँडामा सम्बोधन गर्दै उहाँले भूराजनीतिक चलखेल भइरहेको बताउनुभएको हो ।
‘नेपालको इतिहासमै पहिलो पटक दलाइ लामाले अहिलेको सरकारलाई बधाई दिएकाले पनि यो कुरा प्रष्टिएको छ’ पूर्वमन्त्री समेत रहनु भएको ज्ञवालीले भन्नुभयो–‘चीन विरोधी गतिविधि गर्नका लागि अदृष्य शक्तिहरुले नेपालमा वातावरण तयार गर्न लागिरहेका छन् ।’
उहाँले गत भदौ २३ र २४ गते भएको घटनाको छानबीनका लागि गठित आयोगले सरकारले दिने सुझाव एमालेलाई अहिले नै थाहा भएकाले आयोगको छानबीनको कुनै अर्थ नरहेको बताउनुभयो । ज्ञवालीले घटना भइरहेकै बेला तत्कालीन प्रधानमन्त्री एबम् एमाले अध्यक्ष केपी शर्मा ओलीलाई पक्राउ गर्नुपर्छ भनेर सामाजिक सञ्जालमा लेख्ने ब्यक्तिले दिने प्रतिवेदन आफूहरुलाई अमान्य हुने समेत बताउनुभयो ।
जनप्रतिनिधि नहुँदा संक्रमण लम्बिने भएकाले तत्कालै संसद पुनस्र्थापना हुनुपर्ने पार्टीको केन्द्रीय कमिटीको माग भएको उहाँले स्मरण गराउनुभयो । ‘यसो भनिरहँदा नेकपा एमाले चुनावबाट भागेको होइन’, उपमहासचिव ज्ञवालीले प्रश्न गर्नुभयो–‘यो सरकारले चुनावको वातावरण बनाउनुपर्छ कि पर्दैन ? पार्टी अध्यक्षलाई देशभर घुम्न समेत रोक लगाएको सरकारले कसरी चुनाव गराउँछ भनेर पत्याउनु ?’
पार्टी फुट, संविधान विहिनता, राजाको हस्तक्षेप लगायत अनेकै अफ्ठ्यारा पार गरेर अघि बढेको एमालेसँग बर्तमानमा पनि संविधानवाद र लोकतन्त्र जोगाउने ल्याकत भएकाले त्यसका लागि जागरुक भएर अघि बढ्नुपर्ने उहाँको भनाइ छ ।
एमाले जिल्ला उपाध्यक्ष हिदम लामाको सभाध्यक्षतामा भएको कार्यक्रममा केन्द्रीय सदस्य तथा बिघटित संसदीय दलका प्रमुख सचेतक महेश बर्ताैला, केन्द्रीय सदस्य तथा मकवानपुर इन्चार्ज रामेश्वर राना, केन्द्रीय निर्वाचन आयोग सदस्य तथा संविधानसभा सदस्य अनन्त पौडेल, बागमती प्रदेश कमिटी सदस्य रघुनाथ खुलाल लगायतले मन्तब्य राख्नु भएको थियो । -गोरखापत्र
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...