टी–२० एसिया कप : बङ्गलादेशलाई हराउँदै भारत फाइनलमा
मकवानपुर । साविक विजेता भारत युएईमा जारी एसिसी टी–२० एसिया कप क्रिकेटको फाइनलमा प्रवेश गरेको छ ।
दुबई अन्तर्राष्ट्रिय क्रिकेट मैदानमा बुधबार राति भएको खेलमा भारतले बङ्गलादेशलाइ ४१ रनले हरायो । भारतले सुपर चारमा लगातार दोस्रो जित निकालेको हो ।
एक खेल अगावै फाइनलमा स्थान बनाएको भारतले दुई खेलबाट चार अङ्क बनाएको छ । बङ्गलादेशको समान खेलबाट दुई अङ्क छ । जितका लागि भारतले दिएको एक सय ६९ रनको लक्ष्य पछ्याएको बङ्गलादेश १९।३ ओभरमा सबै विकेटको क्षतिमा एक सय २७ रनमा सकेटिएको थियो ।
बङ्गलादेशका लागि सैफ हसनले सर्वाधिक ६९ रन बनाउनुभयो । यस्तै परवेज हसन इटनले २१ रन बनाउनुबाहेक अन्य खेलाडीले दोहोरो अङ्कमा रन जोड्न सकेनन् ।
बलिङमा भारतका कुलदीप यादवले तीन विकेट लिनुभयो । यस्तै वरुण चक्रवर्ती र जसप्रित बुमराहले दुई दुई तथा तिलक वर्मा र अक्षर पटेलले एक एक विकेट लिनुभयो ।
यसअघि टस हारेर पहिले ब्याटिङको निम्तो पाएको भारतले निर्धारित २० ओभरमा ६ विकेटको क्षतिमा एक सय ६८ रन बनाएको थियो । भारतका लागि अभिषेक शर्माले सर्वाधिक ७५ रन बनाउनुभयो ।
यस्तै हार्दिक पाण्डेयाले ३८, शुभमन गिलले २९ र अक्षर पटेलले अविजित १० रन जोड्नुभयो । बलिङमा बङ्गलादेशका लागि राशिद होसेनले दुई विकेट लिनुभयो । तान्जिम हसन साकिब, मुस्ताफिजुर रहमान, मोहम्मद सैफुद्दिनले एक एक विकेट लिनुभयो ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...