२९ लाख रुपियाँ बराबरको पटाका बरामद
मकवानपुर । कञ्चनपुरबाट झन्डै २९ लाख रुपियाँ बराबरको पटाका बरामद गरेर नष्ट गरिएको छ । जिल्लाको भीमदत्त नगरपालिका स्थित वडा –३ का एक स्थानीयको घरमा प्रहरीले छापामार्दा झन्डै २९ लाख रुपियाँ बराबरको पटाका बरामद गरेको थियो ।
विषेश सूचनाका आधारमा स्थानीय खडक पालकोे घरमा छापा मार्दा २८ लाख ९८ हजार ६५० मूल्यको (विस्फोटक पदार्थ) पटाका बरामद गरिएको प्रहरीले जनाएको छ ।
जिल्ला प्रहरी कार्यालय कञ्चनपुरका प्रमुख प्रहरी उपरीक्षक (एसपी) खडकबहादुर खत्रीले विशेष सूचनाका आधारमा साँझ पालको घरमा जिल्ला प्रहरी कार्यालयबाट खटिएको प्रहरी टोलीले छापा मार्दा सो परिमाणमा पटाका बरामद गरिएको बताउनुभयो ।
आइतबार पत्रकार सम्मेलन गर्दै जिल्ला प्रहरी कार्यालय कञ्चनपुरले ठुलो परिमाणमा पटाका बरामद गरिएको जनाएको हो । बरामद गरिएका पटाका खाडलमा नष्ट गरिएको छ । पाललाई पक्राउ गरेर थप अनुसन्धान भइरहेको प्रहरी उपरीक्षक खत्रीले बताउनुभयो ।
तिहारको समयमा विस्फोटक पदार्थ ल्याइने गरेकाले यस्तो गतिविधि नियन्त्रण गर्न जिल्लाभरीका सबै प्रहरी युनिटलाई निर्देशन दिएको प्रहरी उपरीक्षक खत्रीले बताउनुभयो ।
मुख्य समाचार
३३ जिल्लामा बाढीको जोखिम, मुख्य नदीहरुमा बहाव बढ्न सक्ने
काठमाण्डौ । बाढी पूर्वानुमान महाशाखाले आउँदो तीन दिन देशका प्रमुख तथा सहायक नदीहरूमा बहाव बढ्ने पूर्वानुमान गरेको छ ।
महाशाखाल...
१ हजार ६०० रुपैयाँले बढ्यो सुनको भाउ
काठमाण्डौ । कारोबार हुने हप्ताको दोस्रो दिन आज सुनचाँदीको भाउ केही बढेको छ । सुनको भाउ तोलामा १ हजार ६०० रुपैयाँले बढेर ३ लाख ६ ...
नेप्से परिसूचक ७ अङ्कले घट्यो
काठमाण्डौ । कारोबार हुने हप्ताको अन्तिम दिन आज शुक्रबार नेप्से परिसूचक सामान्य अङ्कले घटेको छ ।
नेप्से परिसूचक आज ७.३७ अङ्कले घ...
हर्मुजमा तेल चुहावटपछि इरानले माग्यो क्षतिपूर्ति
इरानले हर्मुज जलमार्गमा भएको तेल चुहावटका कारण आफ्नो दक्षिणी क्वेशम टापुको तटीय तथा समुद्री क्षेत्रमा वातावरणीय क्षति पुगेको भन्...