कांग्रेसमा विशेष महाधिवेशन माग : दुई हजार ४८८ जनाको हस्ताक्षर
मकवानपुर । नेपाली कांग्रेसको विशेष महाधिवेशन माग गर्दै कार्यवाहक सभापति पूर्णबहादुर खड्कालाई आज हस्ताक्षर बुझाइदै छ ।
पार्टी केन्द्रीय कार्यालय, सानेपामा बुधबार दिउँसो हस्ताक्षर बुझाउने कार्यक्रम रहेको छ । केन्द्रीय सदस्य गुरुराज घिमिरेका अनुसार कुल चार हजार ७४३ महाधिवेशन प्रतिनिधिमध्ये दुई हजार ४८८ जनाले विशेष महाधिवेशनको माग गर्दै हस्ताक्षर गरेका छन् ।
विभिन्न कारणले १९० जना महाधिवेशन प्रतिनिधि नभएको जानकारी दिँदै उहाँले ५२ प्रतिशत भन्दा बढी महाधिवेशन प्रतिनिधिले हस्ताक्षर गरेको दाबी गर्नुभएको छ ।
७७ जिल्ला र विदेश क्षेत्रबाट हस्ताक्षर सङ्कलन गरिएको उहाँको भनाइ छ । कांग्रेसको नियमित महाधिवेशन आगामी मङ्सिरमा गर्नुपर्ने भए पनि महाधिवेशनको टुंगो नलागेपछि विशेष महाधिवेशनको माग भएको हो । कांग्रेसको विधान अनुसार एक वर्ष अवधि थप गर्न सकिने व्यवस्था छ ।
विशेष महाधिवेशन बोलाउने वा नियमित महाधिवेशन गर्ने भन्ने निर्णय बिहीबारबाट सुरु हुने केन्द्रीय कार्यसमिति बैठकले गर्नेछ ।
पार्टी सभापति शेरबहादुर देउवाले मङ्गलबार पार्टीको कार्यवाहक सभापतिको जिम्मेवारी उपसभापति पूर्णबहादुर खड्कालाई तोक्नुभएको छ ।
मुख्य समाचार
आज ३४ जिल्लामा बाढीको जोखिम
काठमाण्डौं । आज देशका ३४ जिल्लामा बाढीको जोखिम रहेको बाढी पूर्वानुमान महाशाखाले जनाएको छ ।
महाशाखाका अनुसार ताप्लेजुङ, पाँचथर, ...
सुनचाँदीको मूल्यमा सामान्य उतारचढाव
काठमाडौं । स्थानीय बजारमा आज सुनचाँदीको मूल्यमा सामान्य उतारचढाव आएको छ । बुधबारको तुलनामा सुन तोलामा रु ४०० बढेको छ । चाँदी ९० ...
सिमखोलाले बगाएका स्कुटर चालक मृत फेला
हेटौंडा । मकवानपुरको इन्द्रसरोवर गाउँपालिका–२ स्थित कुलेखानी ड्यामनजिक सिमखोलाको बाढीले बगाएका स्कुटर चालक मृत फेला परेका छन् ।
...
स्याङ्जामा गोठ भत्कँदा एकजनाको मृत्यु
वालिङ । स्याङ्जाको गल्याङ नगरपालिका–६, पिडीखोलामा गोठ भत्कँदा एकजनाको मृत्यु भएको छ ।
भैँसी तथा बंगुरलाई कुँडोपानी दिने क्रममा ...