भियतनामसँग हारेसँगै नेपालको एसिया कप सपना समाप्त
मकवानपुर ।एएफसी एसियन कप छनोटको दोस्रो लेगमा पनि भियतनामसँग पराजित भएपछि नेपालको एसिया कप खेल्ने सपना सकिएको छ ।
भियतनामको थोङ नाट स्टेडियममा मङ्गलबार राति भएको ‘होम म्याच’ मा नेपाल भियतनामसँग १–० गोलले पराजित भयो ।
भियतनामले नेपालको आत्मघाती गोल सहयोगमा बाजी मारेको हो । पाँचौँ मिनेटमा नेपालका रक्षक सुमन श्रेष्ठबाट बल बचाउने क्रममा आत्मघाती गोल हुन पुगेको थियो ।
यसअघि बिहीबार खेलिएको पहिलो लेगमा नेपाल भियतनामसँग ३–१ गोलले पराजित भएको थियो । भियतनामसँगको दोस्रो हारसँगै नेपालको एसिया कप यात्रामा पूर्णविराम लागेको हो ।
भियतनामविरुद्ध नेपालको दोस्रो लेग नेपालमै हुनुपर्ने थियो । तर काठमाडौँको दशरथ रङ्गशाला अन्तर्राष्ट्रिय खेल खेल्नका लागि एएफसीबाट अयोग्य ठहर भएपछि नेपालले ‘होम म्याच’ पनि भियतनामकै मैदानमा खेलेको हो ।
छनोटको समूह ‘एफ’ मा रहेको नेपालले चार खेलमा लगातार हार खेपेको छ । यसअघि नेपाल पहिलो खेलमा लाओससँग २–१ ले र मलेसियासँग २–० ले हारेको थियो ।
जितसँगै भियतनाम चार खेलबाट नौ अङ्क जोड्दै दोस्रो स्थानमा छ । मलेसिया १२ अङ्कसहित शीर्ष स्थानमा छ । तेस्रो स्थानमा रहेको लाओसको तीन अङ्क छ भने नेपाल अङ्कविहीन छ । समूहको शीर्ष टोली सन् २०२७ मा साउदी अरेबियामा हुने एसियन कपमा छनोट हुनेछ ।
यसैबिच भियतनामविरुद्धको खेलसँगै नेपालका रक्षक रोहित चन्दले नेपालका लागि अन्तर्राष्ट्रिय एक सयौँ खेल पूरा गर्नुभएको छ ।
यस्तो उपलब्धि हात पार्ने रोहित दोस्रो खेलाडी हुनुहुन्छ । यसअघि सय खेलको कोशेढुङ्गा पार गर्ने कप्तान एवं गोलरक्षक किरणकुमार लिम्बू हुनुहुन्छ ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...