प्रहरीमाथि कुटपिटपछि बालसुधार गृहबाट नौ जना फरार
मकवानपुर । जेनजी आन्दोलनका क्रममा भागेर फर्किएका विराटनगरस्थित बालसुधार गृहका नौ जना बाल बिझ्याइँकर्ता हिजो (बिहीबार) अपराह्न सुरक्षाकर्मीलाई कुटपिट गरी फेरि भागेका छन् । फरार भएकामध्ये एक जना साँझमा आफैं सुधार गृहमा फर्किएका थिए भने अर्का एक जनालाई स्थानीयले समातेर बुझाएका थिए । बाँकी सात जना भने अझै फरार छन् ।
बाल सुधार गृहमा कार्यरत कर्मचारीहरु कार्यालय बन्द गरेर घर फर्किने समय पारेर उनीहरूले समूह बनाई ड्युटीमा रहेका प्रहरीलाई कुटपिट गरी गेट खोलेर भागेका थिए । आक्रमणबाट ड्युटीमा रहेका तीन जना प्रहरी घाइते भएको बाल सुधार गृहका प्रमुख सञ्जिव न्यौपानेले जानकारी दिनुभयो ।
फरार भएकामध्ये दुई जना बाल बिझ्याइँकर्ता प्रहरीको सम्पर्कमा आइसकेको र बाँकीको खोजी भइरहेको मोरङ प्रहरीका प्रमुख प्रहरी उपरीक्षक कवित कटवालले जानकारी दिनुभयो । एसपी कटवालका अनुसार भागेकाहरु सबै १८ वर्षभन्दा माथि उमेर समूहका छन् ।
बाल सुधार गृहको सुरक्षामा खटिने प्रहरीसँग हतियार नहुने र त्यहाँ २७–२८ वर्षसम्मका बिझ्याइँकर्ताहरुलाई पनि राख्नु पर्दा पटक पटक सुरक्षा चुनौती आउने गरेको छ । त्यसबाहेक बाल सुधार गृहमा क्षमता भन्दा धेरैलाई राख्नुपर्दा व्यवस्थापनमा कठिनाइ आउने गरेको छ । १५० जना क्षमताको बाल सुधार गृह विराटनगरमा अहिले २६० जनालाई राखिएको छ । जेनजी आन्दोलनका क्रममा भागेका करिब १० जना अझै सुधार गृहमा फर्किएका छैनन् ।
यसअघि पनि पटक पटक बाल सुधार गृहबाट बिझ्याइँकर्ताहरु भाग्ने घटना हुँदै आएको थियो । विगतमा भवनबाट फालहानेर दुई तीन जना भाग्ने गरेकोमा जेनजी आन्दोलनपछि सुरक्षाका लागि खटिएका प्रहरीलाई नै आक्रमण गरेर भाग्ने घटना दोहोरिन थालेको छ । यसले बाल सुधार गृहको सुरक्षा व्यवस्थापनमा नयाँ योजना बनाउनुपर्ने आवश्यकता खड्किएको छ ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...