पत्रकार अजय गोर्खालीको निधन

मकवानपुर । पत्रकार अजय गोर्खालीको निधन भएको छ ।

उनको शनिबार उपचारका क्रममा भरतपुर अस्पतालमा निधन भएको हो । नेपाल पत्रकार महासङ्घ जिल्ला शाखाका सदस्य गोर्खाली स्वास्थ्यमा समस्या देखिएपछि उपचारका लागि अस्पताल भर्ना भएका थिए ।

जनआस्था साप्ताहिकमा कार्यरत ३८ वर्षीय गोर्खालीको आज देवघाटमा अन्तिम संस्कार गरिने उनका बुबा गोपाल परियारले जानकारी दिए ।