प्रलोपा मकवानपुरको अध्यक्षमा ध्रुवराज ढकाल, सिंखडालाई इन्चार्जको जिम्मेवारी
मकवानपुर । प्रगतिशील लोकतान्त्रिक पार्टी (प्रलोपा) मकवानपुरले नयाँ जिल्ला नेतृत्व चयन गर्दै संगठन सुदृढीकरण र आसन्न संघीय निर्वाचनको तयारीलाई तीव्र बनाएको छ। शुक्रबार हेटौँडामा सम्पन्न जिल्ला बैठकले ध्रुवराज ढकाललाई अध्यक्ष चयन गरेको हो।
बैठकले राजेन्द्र सिंखडा (दारी बा) लाई जिल्ला इन्चार्जको जिम्मेवारी दिएको छ। प्रदेश कमिटीको पुस २० गतेको परिपत्रअनुसार जिल्ला नेतृत्व चयन गरिएको पार्टीले जनाएको छ।
संगठनलाई थप बलियो बनाउने उद्देश्यले बैठकले एकता भेला तथा प्रशिक्षण कार्यक्रम आयोजना गर्ने निर्णय पनि गरेको छ। साथै, फागुन २१ गते हुने संघीय प्रतिनिधिसभा निर्वाचनका लागि उम्मेदवारहरू सर्वसम्मत रूपमा टुंगो लगाइएको छ।
निर्णयअनुसार मकवानपुर क्षेत्र नम्बर–१ बाट तेजप्रसाद उप्रेती (रमेश) र तुफान विक्रम क्षेत्री (दिपशक्ति) उम्मेदवार बन्नेछन् भने मकवानपुर क्षेत्र नम्बर–२ बाट सन्तोष विष्टलाई उम्मेदवार चयन गरिएको छ।
बैठकले निर्वाचन लक्षित क्षेत्रगत इन्चार्ज तोक्ने र परिचालन समिति गठन गर्ने निर्णयसमेत गरेको छ। पार्टीका केन्द्रीय सदस्य तथा स्कुलिङ विभाग प्रमुख सोनामसिंह स्यान्ताङ (विजय) प्रमुख अतिथिका रूपमा बैठकमा सहभागी थिए।
मुख्य समाचार
देशभर विभिन्न सात सडकखण्ड अवरुद्ध
काठमाडौँ । वर्षासँगै आएको बाढी, पहिरो, सडकमा लेदो तथा नदी कटानका कारण देशका विभिन्न स्थानमा सडक अवरुद्ध भएका छन् । नेपाल प्रहरीक...
इरानमाथि अमेरिकाको थप कडा प्रतिबन्ध
अमेरिकाले इरानमाथि थप कडा प्रतिबन्ध लगाएको छ ।
इरानको सैन्य गतिविधि, खरिद सञ्जाल तथा तेल र पेट्रोकेमिकल व्यापारसँग सम्बन्धित झण...
५०० ले घट्यो सुनको मूल्य
काठमाडौं । नेपाली बजारमा सुनचाँदीको मूल्य केही घटेको छ ।
नेपाल सुनचाँदी व्यवसायी महासंघका अनुसार सुनको मूल्य प्रतितोला ५०० ...
प्रतिनिधिसभा बैठक प्रारम्भ, उद्योगमन्त्रीले मौखिक प्रश्नको जवाफ दिने
काठमाडौँ । प्रतिनिधिसभाको बैठक प्रारम्भ भएको छ । आजको बैठकमा उद्योग, वाणिज्य तथा आपूर्तिमन्त्री गौरीकुमारीले मन्त्रालय सम्बन्धी ...