अर्घाखाँचीमा टिपरको ठक्कर, एक जनाको ज्यान गयो

अर्घाखाँची । सालझण्डी, सन्धिखर्क– ढोरपाटन सडकखण्डमा पर्ने अर्घाखाँचीको सन्धिखर्क– ९ टारीमा टिपरको ठक्करबाट एक जनाको मृत्यु भएको छ ।

मृत्यु हुनेमा अर्घाखाँचीको मालारानी– ५ का ३२ वर्षीय उमेश खत्री छन् । जिल्ला प्रहरी कार्यालय अर्घाखाँचीका प्रमुख प्रहरी नायव उपरीक्षक दिवश जिसीका अनुसार हंसपुरबाट टारीतर्फ आउँदै गर्दा लु। १क ५१३३ नम्बरको टिपरले ठक्कर दिएको थियो ।

पैदल यात्रा गरिरहेका खत्रीलाई शुक्रबार साँझ टिपरले ठक्कर दिएको होे । घटनापछि टिप्पर र त्यसका चालकलाई नियन्त्रणमा लिएर अनुसन्धान अगाडि बढाइएको डीएसपी जिसीले जानकारी दिए ।