तेस्रो घरेलु उत्पादन प्रवर्द्धन प्रदर्शनी मेला सम्पन्न
१८ माघ/हेटौंडा ।
स्थानीय सीप, स्वाद र सिर्जनालाई एउटै थलोमा चिनाउने उद्देश्यसहित हेटौँडामा तेस्रो घरेलु उत्पादन प्रवर्द्धन प्रदर्शनी मेला सम्पन्न भएको छ । घरेलु उत्पादन प्रबर्धन गर्ने उद्देश्यसहित हेटौँडा उपमहानगरपालिका–१० नम्बर वडाले प्रदर्शनी आयोजनामा गरेकाे हाे ।
प्रदर्शनीमा उपमहानगरपालिकाका १९ वटै वडाबाट सहभागी स्टलहरूमा स्थानीय उत्पादनको विविधता झल्कने गरि ढाका, गुन्द्रुक, हस्तकला सामग्री, कृषिजन्य उत्पादनदेखि स्थानीय महिलाहरूले उत्पादन गरेका विविध सामग्रीहरू अवलोकन र खरिदका लागि राखिएका थिए ।
मेलाको समापन गर्दै बागमतीका पुर्वमन्त्री एवम् एमाले प्रमुख सचेतक एका लाल श्रेष्ठले स्थानीय उत्पादनको प्रयोग बढ्दै जानु सकारात्मक संकेत भएको बताउनुभयो । स्वदेशी उत्पादनले बजार नपाउने र विदेशी उत्पादनले बजार कब्जा गर्ने अवस्था चिन्ताजनक रहेको बताउनुभयो । उहाँले विचौलियाको कारण स्थानीय उत्पादन बिक्री हुन नसक्ने समस्या अन्त्य गर्न स्थानीय तहले सक्रिय भूमिका खेल्नुपर्नेमा जोड दिनुभयो।
स्वदेशी वस्तुको प्रयोगलाई प्रोत्साहन गर्ने स्पष्ट नीति र व्यवहार आवश्यक रहेको बताउदै स्थानीय उत्पादनलाई बजारसँग जोड्न यस्ता प्रदर्शनी मेला प्रभावकारी हुने बताउनुभयो ।
स्थानीय उत्पादनको प्रवर्द्धन, बजारीकरण तथा रोजगारी सिर्जनामा सहयोग पुर्याउने उद्देश्यले आयोजना गरिएको प्रदर्शनीमा एक सय वटा घरेलु उत्पादनका स्टल रहेका थिए ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...