विध्यालय खेलकुदलाई प्राथमिकता : अध्यक्ष सिग्देल

मकवानपुर ।  भुटनदेवी माविमा प्रथम सप्ताहव्यापी खेलकुद प्रतियोगिता उद्घाटन गर्दै वडा अध्यक्ष नवीन सिग्देलले विद्यालयदेखि नै खेलकुदलाई प्राथमिकता दिनुपर्नेमा जोड दिनुभयो। उहाँले शिक्षा र खेलकुद सँगसँगै अगाडि बढाउन आवश्यक रहेको र विध्यार्थीको शारिरीक तथा मानसिक विकासका लागि खेलकुद अपरिहार्य रहेको बताउनुभयो।

उद्घाटन कार्यक्रममा वडा सदस्य गीता त्रिपाठी, व्यवस्थापन समितिका सदस्यहरू राजेन्द्रकुमार बस्ताकोटी, नारायणप्रसाद तिमल्सिना, कृष्ण कंडेल, र अनुगमन समिति संयोजक ईन्द्रप्रसाद नेपाल उपस्थित रहनुभएको थियो। कार्यक्रम विद्यालयका प्रधानाध्यापक सूर्यप्रसाद घिमीरेको अध्यक्षतामा सम्पन्न भयो।

साताभरी खेलकुदका विभिन्न विधामा प्रतियाेगिता हुने र माघ २३ र २४ गते विध्यालय नगरस्तरीय क्रिकेट प्रतियाेगिता समेत आयाेजना गरिएकाे खेलकुद शिक्षक प्रकाश सुवेदीले जानकारी दिनुभयााे ।