राति ९ बजेपछि सम्पूर्ण व्यवसाय बन्द गर्न निर्देशन

मकवानपुर । जिल्ला प्रशासन कार्यालय काठमाडौंले अर्को निर्णय नभएसम्मका लागि रात्रिकालीन व्यवसाय सञ्चालनमा समय सीमा तोकेको छ। प्रशासनले फागुन १८ गतेदेखि लागु हुनेगरी राति ९ बजेपछि सम्पूर्ण व्यवसाय बन्द गर्न निर्देशन दिएको छ।

प्रशासन कार्यालय काठमाडौंले जारी गरेको सूचना अनुसार फागुन २१ मा हुने प्रतिनिधि सभा सदस्य निर्वाचनको सुरक्षा संवेदनशीलतालाई ध्यानमा राख्दै यो निर्णय गरिएको हो ।

‘निर्वाचन सुरक्षालाई मध्यनजर गरी काठमाडौं जिल्लाभित्र सञ्चालन हुने सम्पूर्ण रात्रिकालीन व्यवसायहरू फागुन १८ देखि अर्को निर्णय नभएसम्मका लागि राति ९ बजेसम्मको लागी मात्र सञ्चालन गर्ने र त्यसपछि सम्पूर्ण व्यवसायहरू बन्द गर्न, गराउनुहुन सरोकारवालाहरूको जानकारीका लागि यो सूचना प्रकाशित गरिएको छ’,जिल्ला प्रशासन कार्यालयका प्रवक्ता एवं सहायक प्रमुख जिल्ला अधिकारी मुक्तिराम रिजालद्वारा हस्ताक्षरित सूचनामा भनिएको छ।