रास्वपा बागमती प्रदेश अधिवशेन : प्रतिनिधिको विषयमा विवाद, निर्वाचन तालिका अन्योलमा

हेटौँडा । राष्ट्रिय स्वतन्त्र पार्टी (रास्वपा) बागमती प्रदेशको अधिवेशन अन्तर्गत निर्वाचन कार्यतालिका प्रभावित हुने भएको छ । अधिवेशन अन्तर्गत प्रतिनिधि निर्धारणमा समस्या हुँदा निर्वाचन कार्यतालिका प्रभावित भएको हो ।

अधिवेशन अन्तर्गत निर्वाचन समितिले मंगलबार दिउँसो १ः१५ देखि २ः४५ बजेसम्म मनोनयन दर्ताको कार्यतालिका निर्धारण गरिएको थियो भने ४ः३० देखि ४ः४५ सम्म उम्मेदवारको अन्तिम नामावली सार्वजनिक गर्ने कार्यसुची रहेपनि प्रतिनिधि तय हुन नसक्दा कार्यतालिका प्रभावित भएको हो । पालिका र जिल्लाबाट प्राप्त प्रतिनिधिहरुको नामावली रुजु गरी केही त्रुटीहरु हटाउन समय लागेको निर्वाचन समितिले जनाएको छ ।

समितिका संयोजक मधु चौलागाईंका अनुसार प्रतिनिधि निर्धारण अन्तिम चरणमा रहेको र छिट्टै मनोनयन दर्ताको कार्यक्रम संचालन हुनेछ । निर्वाचन कार्यतालिका परिमार्जन गरी कार्यक्रम अघि बढाइने उनले बताए ।