तेस्रो बागमती खेलकुद : पुरुष क्रिकेटमा मकवानपुर सेमिफाइनल प्रवेश
हेटौँडा । बागमती खेलकुद विकास परिषद्को आयोजनामा जारी तेस्रो बागमती खेलकुद प्रतियोगिता अन्तर्गत मकवानपुर पुरुष क्रिकेट टोलीले सेमिफाइनलमा प्रवेश गरेको छ । मंगलबार भएको खेलमा धादिङलाई पराजित गर्दै मकवानपुर प्रतियोगिताको अघिल्लो चरणमा प्रवेश गरेको हो ।
हेटौँडास्थित गौरीटार रंगशालाको क्रिकेट मैदानमा मंगलबार बिहान भएको खेलमा टस हारेर पहिले व्याटिङको निम्तो पाएको मकवानपुरले २० ओभरमा ३ विकेट गुमाएर २२१ रन बनाएको थियो । मकवानपुरका गोकुल अधिकारी २९ रन र कप्तान शुभ कंसाकार २३ रन बनाएर आउट भए । गौरभ खड्का ७८ रनमा र सुमन सुनार ६५ रनमा अविजित रहे । धादिङका रुपेश भुजेलले २ विकेट र श्याम त्रिपाठीले १ विकेट लिए ।
२ सय २२ रनको लक्ष्य पछ्याएको धादिङ ८९ रनले पराजित भयो । धादिङ २० ओभरमा ९ विकेट गुमाएर १३२ रन मात्र बनाउन सक्यो । धादिङका आरम्भ तिमल्सिनाले ४९ रन, कप्तान अमृत थापाले ३१ रन र अनिष रेग्मीले १० रन बनाए । धादिङका बाँकी खेलाडीहरुले दोहोरो अंकमा रन जोड्न सकेनन् । मकवानपुरको जितका लागि समिर चौलागाईं र राम नरेश गिरीले समान ३–३ विकेट लिए । मकवानपुरका लागि अविजित ७८ रन बनाएका गौरभ खड्का प्लेयर अफ द म्याच बने ।
प्रतियोगितामा ८ वटा टोलीको सहभागिता रहेको छ । समूह ‘ए’ मा चितवन, धादिङ, काभ्रेपलान्चोक र मकवानपुर रहेको छ । समूह ‘बी’ मा भक्तपुर, काठमाडौं, ललितपुर र नुवाकोट रहेको छ । दुवै समूहका शीर्ष दुई टोलीले सेमिफाइनल खेल्नेछ । प्रदेश खेलकुद प्रतियोगिताको औपचारिक उद्घाटन बुधबार हुनेछ ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...