हर्मुजमा तेल चुहावटपछि इरानले माग्यो क्षतिपूर्ति
इरानले हर्मुज जलमार्गमा भएको तेल चुहावटका कारण आफ्नो दक्षिणी क्वेशम टापुको तटीय तथा समुद्री क्षेत्रमा वातावरणीय क्षति पुगेको भन्दै जिम्मेवार पक्षसँग क्षतिपूर्ति माग गरेको छ ।
इरानी विदेश मन्त्रालयका प्रवक्ता इस्माइल बघाईले तेलको दागले खाडी र ओमान सागरको पानी दूषित भएको र प्रारम्भिक प्रमाणले विदेशी ठूलो इन्धनवाहक जहाजबाट चुहावट भएको देखाएको बताउनुभएको छ ।
अमेरिकाबाट सञ्चालित जहाज निगरानी वेबसाइट ट्याङ्करट्र्याकर्सका अनुसार, अगस्ट ३ मा ओमानी समुद्रमा रहेको ठूलो जहाज ‘मिनोअन पायनियर’माथि भएको इरानी आक्रमणपछि तेल चुहावट भएको देखिएको छ । त्यसपछि तेल हर्मुज जलमार्ग हुँदै इरानतर्फ बगेको बताइएको छ ।
प्रवक्ता बघाईले हालका दशकमा यस्ता तेल चुहावटले इरानका तटीय क्षेत्रमा ठूलो आर्थिक तथा वातावरणीय क्षति पुऱ्याएको भन्दै सम्बन्धित पक्षले क्षतिपूर्ति दिनुपर्ने बताउनुभएको छ । इरानको वातावरण संरक्षण संगठनकी प्रमुख शीना अन्सारीले पनि यस घटनालाई पछिल्ला दशकमा यस क्षेत्रमा देखिएको व्यापक समुद्री प्रदूषणको अर्को उदाहरण बताउनुभएको छ।
उहाँले वातावरणीय क्षतिको क्षतिपूर्ति कसले दिने भन्ने प्रश्नसमेत उठाउनुभएको छ । इरानले गएको वर्ष फेब्रुअरी २८ देखि शुरु भएको मध्यपूर्व युद्धपछि हर्मुज जलमार्गमा नियन्त्रण कायम राख्दै खाडीका अमेरिकी सहयोगी राष्ट्रबाट ऊर्जा बोकेर जाने जहाजको आवागमनमा अवरोध पुऱ्याउँदै आएको छ ।
इरानले वातावरण संरक्षणलगायत सेवा सञ्चालनका लागि हर्मुज हुँदै जाने जहाजबाट नौपरिवहन शुल्क लिने योजना अघि सारेको छ, जसको अमेरिका र केही क्षेत्रीय देशले विरोध गरेका छन् ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...