केरा किसान आन्दोलित, माग सम्बोधन नभए सडकमा केरा फाल्ने चेतावनी
मकवानपुर । भारतबाट ठुलो परिमाणमा केरा आयात भएपछि स्वदेशी उत्पादनले बजार नपाएको भन्दै पश्चिम नवलपरासीका केरा किसान आन्दोलित भएका छन् । नवलपरासी केरा उत्पादक संघका अध्यक्ष लक्खु प्रसाद यादवका अनुसार संघले माग सम्बोधन नभए थप कडा आन्दोलनमा उत्रने चेतावनी दिएको छ ।
भारतबाट ठुलो परिमाणमा सस्तो केरा आयात हुन थालेपछि पश्चिम नवलपरासीका केरा किसानहरू गम्भीर आर्थिक सङ्कटमा परेका छन् । आफ्नो उत्पादनले उचित मूल्य र बजार नपाएको भन्दै नवलपरासी केरा उत्पादक संघले चरणबद्ध आन्दोलन सुरु गरेको छ ।
किसानहरूले भारतीय केरा आयात रोक्ने उद्देश्यले आन्दोलनका क्रममा भारतीय नम्बर प्लेटका कुनै पनि केरा बोकेका गाडीलाई नियन्त्रणमा लिई आवश्यक कारबाही गर्न बाध्य हुने चेतावनी दिएका छन् । यो कदम उनीहरूले आफ्नो उत्पादनले उचित बजार नपाएको विरोधमा चालेका हुन् ।
किसानहरूले आफ्नो उत्पादनको उचित मूल्य र बजार नपाउँदा ठुलो नोक्सानी व्यहोर्नुपरेको भन्दै यदि माग सुनुवाइ नभए केरा सडकमै फ्याँक्ने लगायतका कडा आन्दोलनका कार्यक्रमहरू घोषणा गरिने चेतावनी समेत दिइएको छ । केरा उत्पादक संघकाद्वारा जारी विज्ञप्तिमा भनिएको छ । आन्दोलनबाट उत्पन्न हुने कुनै पनि परिस्थितिको सम्पूर्ण जिम्मेवारी सरकारले नै लिनुपर्ने विज्ञप्तिमा उल्लेख छ ।
संघका अध्यक्ष यादवका अनुसार हामीले पटक–पटक सरकारलाई आग्रह गर्दा पनि समस्या समाधानको पहल नहुनु दुःखद हो । यदि तत्काल भारतबाट हुने केरा आयात नियन्त्रण गरी स्वदेशी उत्पादनको बजार व्यवस्थापन नगरिए सम्पूर्ण केरा उत्पादक, व्यापारी र उपभोक्तालाई समेटेर निर्णायक आन्दोलन गर्ने घोषणा गरिएको छ ।
संघले सरकारले स्वदेशी उत्पादनलाई प्राथमिकता दिने नीति लिए पनि त्यसको कार्यान्वयन नहुँदा किसानहरू मारमा परेको बताएको छ । संघका अनुसार पटक–पटक सम्बन्धित सरकारी निकायमा आग्रह गर्दा पनि समस्या समाधानका लागि कुनै सुनुवाइ भएको छैन । विगत ६ महिनाभन्दा बढी समयदेखि समस्या समाधानका लागि पहल गर्दै आए पनि बेवास्ता गरिएको किसानहरूको गुनासो छ । जिल्लाको गण्डक कमाण्ड क्षेत्रमा १८२५ बिघा क्षेत्रफलमा केरा खेती गरिएको छ, जसमा कुल ३७४० घरधुरी संलग्न छन् ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...