लागूऔषध गाँजासहित मकवानपुरका रमेश बाराबाट पक्राउ

हेटौँडा । जिल्ला प्रहरी कार्यालय बाराले ठूलो परिमाणमा लागूऔषध गाँजासहित मकवानपुरका एक जनालाई पक्राउ गरेको छ । सोमबार दिउँसो १ बजेको समयमा विशेष सुचनाको आधारमा खटिएको प्रहरी टोलीले बारा जिल्लाको जीतपुरसिमरा उपमहानगरपालिका–२१ मा रहेको चेक पोईन्टस्थित मकवानपुरबाट वीरगंजतर्फ जाँदै गरको बा २ ख ९५६९ नम्बर मिनि ट्रकलाई सुरक्षाजाँच गर्दा लागूऔषध बरामद गरेको थियो ।

प्रहरीले मिनि ट्रकलाई सुरक्षाजाँच गर्दा ट्रकको छतमाथि सिलिङमा फल्सबटम बनाई प्लाष्टिकले लुकाई छिपाई राखीएको अवस्थामा २ सय ३६ किलो ७५० ग्राम लागूऔषध गाँजा बरामद गरेको हो । प्रहरीले गाँजासहित ट्रक चालक मकवानपुरको कैलाश गाँउपालिका–१० का ३८ वर्षीय रमेश रुम्बालाई पक्राउ गरेको जिल्ला प्रहरी कार्यालय बाराले जानकारी दिएको छ । गाँजासहित रमेशलाई नियन्त्रणमा लिई अनुसन्धान भइरहेको प्रहरीले जानकारी दिएको छ