त्रिपक्षीय छलफलमा जेनजीका १४ र राजनीतिक दलका १६ जना प्रतिनिधि सहभागी हुने
काठमाडौं । प्रधानमन्त्री सुशीला कार्कीको आह्वानमा आज बेलुकी बस्न लागेको त्रिपक्षीय संवादमा जेन–जी समूहका १४ जना प्रतिनिधि सहभागी हुने भएका छन्।
प्रधानमन्त्री निवास बालुवाटारमा साँझ ४ बजे हुने उक्त बैठकमा सरकार, राजनीतिक दल र जेन–जी आन्दोलनका प्रतिनिधिहरूबीच प्रत्यक्ष संवाद हुने तयारी गरिएको छ। सरकारतर्फबाट प्रधानमन्त्री कार्कीका साथै गृहमन्त्री ओमप्रकाश अर्याल र सञ्चारमन्त्री जगदीश खरेल सहभागी हुनेछन्।
राजनीतिक दलका तर्फबाट १६ जना शीर्ष नेताहरू उपस्थित हुने कार्यक्रम छ। जेन–जी आन्दोलनपछि पहिलोपटक यस्तो त्रिपक्षीय संवाद हुन लागेको हो। गत भदौ २३ र २४ गतेको आन्दोलनपछि तत्कालीन प्रधानमन्त्री केपी शर्मा ओलीले राजीनामा दिएका थिए, जसपछि संसद्बाट नयाँ सरकार गठन हुन नसकेपछि पूर्वप्रधानन्यायाधीश सुशीला कार्कीको नेतृत्वमा अन्तरिम सरकार बनेको थियो।
कार्की नेतृत्वको अन्तरिम सरकार २७ भदौमा गठन गरिएको हो। त्यसयता सरकारले जेन–जी समूह र दलका नेताहरूसँग छुट्टाछुट्टै रूपमा छलफल गर्दै आएको भए पनि आजको बैठक पहिलो औपचारिक संयुक्त संवाद हो।
यसअघि प्रधानमन्त्री कार्कीले कात्तिक ४ गते सर्वदलीय बैठक बोलाएकी थिइन्, भने असोज २४ गते राष्ट्रपति रामचन्द्र पौडेलले पनि राजनीतिक दलहरूबीच सहमतिको पहलस्वरूप बैठक आयोजना गरेका थिए।
चुनावको तयारीबारे विभिन्न आशंका उठिरहेका बेला प्रधानमन्त्री कार्कीले संवादलाई आगामी फागुन २१ गतेका लागि तोकिएको निर्वाचनको वातावरण निर्माणतर्फको महत्वपूर्ण कदमका रूपमा लिएकी छन्।
प्रधानमन्त्रीका प्रेस संयोजक राम रावलका अनुसार, ‘निर्वाचनलाई सफल र सर्वस्वीकार्य बनाउन प्रधानमन्त्री कार्कीले सरकार, राजनीतिक दल र जेन–जी प्रतिनिधिलाई एउटै मंचमा ल्याएर विश्वास पुनःस्थापना गर्ने प्रयास गरेकी हुन्।’
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...