झुम्का कारागारबाट भागेका पाँच सय ७२ कैदीबन्दी अझै सम्पर्कविहीन
मकवानपुर । सुनसरीको रामधुनी नगरपालिका-५, झुम्का कारागारबाट फरारमध्ये अधिकांश फर्किएको भएपनि अझै पाँच सयभन्दा बढी कैदीबन्दी सम्पर्क बाहिर रहेका छन् ।
भदौ २४ गते राति जेनजी आन्दोलनको अव्यवस्थाबिच झुम्का कारागारबाट भागेका कैदीबन्दीमध्ये ठुलो सङ्ख्यामा पुनः कारागार फर्किएका कारगार प्रशासनले जनाएको छ ।
कारागारका प्रमुख जेलर सुवास लामिछानेका अनुसार हालसम्म एक हजार २५९ जना कैदीबन्दीले आत्मसमर्पण गरी पुनः कारागार प्रवेश गरेका छन् । तर, कार्तिक १८ गतेसम्म अझै पाँच सय ७२ जना फरार रहेका छन् । फरारमध्ये ४९ जना भारतीय नागरिक रहेको पुष्टि भएको छ ।
झुम्का कारागारबाट फरार रहेका ६१ भारतीय कैदीमध्ये केवल १२ जना मात्र फर्किएका छन् । आन्दोलनको बेला झुम्का कारागारमा कुल १ हजार ७९६ कैदीबन्दी रहेका थिए । आन्दोलनको दोस्रो दिन राति ठुलो भिड र अव्यवस्थाबिच सबै कैदीबन्दी बाहिरिएका थिए। त्यसपछि सुरक्षा निकाय र प्रशासनले संयुक्त रूपमा खोजी अभियान सञ्चालन गर्दै आएका छन् । कारागार व्यवस्थापन विभागले असोज २० गतेभित्र फर्किन निर्देशन जारी गरेको थियो । सो समय सीमा समाप्त भइसकेपछि अझै नफर्किनेहरूलाई कारागार ऐन अनुसार कानुनी कारबाही हुने चेतावनी दिइएको छ ।
सुनसरीका प्रमुख जिल्ला अधिकारी बासुदेव घिमिरेले फरार कैदीबन्दीलाई नियन्त्रणमा ल्याउन प्रहरीले अभियान अघि बढाएको जानकारी दिनुभयो । फर्किन नचाहनेमाथि कानुन बमोजिम कठोर कदम चालिने जानकारी दिनुभयो । यसअघि पनि कारागार प्रशासनले फरारहरूको विवरण प्रहरीमा पठाई सीमाक्षेत्र र मुख्य सडकमुख्य नाकाहरूमा विशेष निगरानी बढाएको जनाएको छ ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...