मकवानपुर-१ बाट कंसाकारले चुनाव लड्ने घोषणा
मकवानपुर । राष्ट्रिय स्वतन्त्र पार्टी (रास्वपा) की पूर्वसांसद विन्दवासिनी कंसाकारले मकवानपुर-१ बाट चुनाव लड्ने घोषणा गरेकी छिन्। सामाजिक सञ्जाल फेसबुक मार्फत स्टाटस लेख्दै उनले आउँदो फागुन २१ गतेको प्रतिनिधि सभा निर्वाचनमा मकवानपुर–१ बाट प्रत्यक्ष चुनाव लड्ने घोषणा गरेकी हुन्।
‘आगामी फागुन २१ गते हुन गइरहेको प्रतिनिधि सभा निर्वाचनमा मकवानपुर क्षेत्र नं १ बाट राष्ट्रिय स्वतन्त्र पार्टीको तर्फबाट उम्मेदवारीको घोषणा गरेको छु। यस ऐतिहासिक यात्रामा तपाई सम्पूर्णको साथ, समर्थन र अमूल्य मतको अपेक्षा गर्दछु,’ कंसाकारले सामाजिक सञ्जालमा लेखेकी छिन्।
उनी २०७९ को प्रतिनिधि सभामा मकवानपुरबाट समानुपातिक सांसद निर्वाचित भएकी थिइन्। यो पटक समानुपातिकतर्फ सिफारिसमा नपरेकी कंसाकारले प्रत्यक्षतर्फ निर्वाचनमा होमिने तयारी गरेकी हुन्।
त्यसोत, रास्वपाबाट यसै क्षेत्रमा अर्का दुई जना पनि उम्मेदवारीको दौडमा छन्। रास्वपा मकवानपुरका नेता ध्रुवबहादुर विष्ट र युवा नेता प्रकाश गौतमको पनि चर्चा छ। उनीहरूले पनि सामाजिक सञ्जाल मार्फत उम्मेदवारी रहने बताएका छन्।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...