स्काईभेटर दुर्घटनामा शिवको मृत्यु

मकवानपुर । धादिङ जिल्लाको रुबिभ्याली गाउँपालिका–४, हिम्दुङमा स्काईभेटर दुर्घटना हुँदा चालकको मृत्यु भएको छ । बिहीबार दिउँसो ३ बजेर १५ मिनेटको समयमा जलशक्ती हाईड्रोपावरमा बाटोको नयाँ ट्रयाक खोल्ने क्रममा स्काईभेटर ईलेप तातोपानी खोलामा खसेको बागमती प्रदेश प्रहरी कार्यालय हेटौँडाले जानकारी दिएको छ ।

स्काभेटर बाटोबाट तिन सय मिटर तल खसेको भन्ने सुचनाको आधारमा नेपाल प्रहरीको टोली खटि गएको थियो । खोजतलास गर्दै जाने क्रममा शुक्रबार दिउँसो २ बजेर ४५ मिनेटको समयमा स्काभेटर चालक प्युठान जिल्ला झिम्रुक गाउँपालिका–६, बस्ने ३६ वर्षीय शिव बहादुर नगरकोटी खोलाको छेउमा मृत अवस्थामा फेला परेको प्रहरीले जानकारी दिएको छ । मुचुल्का पश्चात शव पोष्टमार्टमका लागि जिल्ला अस्पताल धादिङबेशी लगिएको छ ।