राष्ट्रिय क्रिकेट खेलाडी मिनष थापाको निधन

मकवानपुर । राष्ट्रिय क्रिकेट खेलाडी मिनष थापाको निधन भएको छ।

आज बिहान १ बजेको आसपासमा अनियन्त्रित भएर मोटरसाइकल दुर्घटना हुँदा उनको निधन भएको प्रहरीले जनाएको छ।

प्रदेश १–०२–०४२ प ८००२ नम्बरको मोटरसाइकलमा चढेर उनी विराटनगर–४ स्थित भित्री सडकखण्डमा एयरपोर्ट लाइनबाट गणेश चोकतर्फ जाँदै गर्दा दुर्घटना भएको प्रहरीको भनाइ छ। २७ वर्षीय थापा विराटनगर महानगरपालिका–५ का स्थायी बासिन्दा हुन्।

दुर्घटनामा गम्भीर घाइते भएका थापालाई उपचारका लागि कोशी अस्पताल पुर्‍याउँदा चिकित्सकले उनलाई मृत घोषणा गरेका थिए।