भीम विराग प्रतिष्ठानद्वारा विभिन्न विधाका ७ जना सम्मानित

हेटौंडा । भीम विराग संगीत, साहित्य, कला प्रतिष्ठान मकवानपुरले विभिन्न विधाका ७ जना व्यक्तित्व सहित एक संस्थालाई सम्मान गरेको छ ।
प्रतिष्ठानको २३ वार्षिक साधारणसभा एवम् ८ औं अधिवेशनको अवसरमा आयोजित कार्यक्रममा सम्मान गरिएको हो । १५ हजार रुपैयाँ राशीको ‘तुलसीमाया–शिवकुमारी सृजनशील नारी पुरस्कार’ मकवानपुरकी हस्तकला प्रशिक्षक रविना श्रेष्ठ प्रदान गरिएको छ । यस्तै, १० हजार रुपैयाँ राशीको ‘भीम–मथुरा बाल प्रतिभा पुरस्कार’ बाट सोलिड्यारिटी इन्टरनेशनल एकेडेमीमा अध्ययनरत् उदीयमान गायिका अक्सा खातुनलाई सम्मान गरिएको छ ।
१५ हजार रुपैयाँ राशीको ‘शिला नारी पुरस्कार’ मकवानपुरकी सङ्गीता थापा मगर लाई प्रदान गर्दा २० हजार रुपैयाँ राशीको ‘रामकृष्ण बानियाँ स्मृति लोक सङ्गीत पुरस्कार’ लोकगायक राजु परियारलाई समर्पित गरिएको छ । यसैगरी १५ हजार रुपैयाँ राशीको ‘चिनुकुमारी लामा स्मृति साहित्य पुरस्कार’ साहित्य संगम मकवानपुरलाई प्रदान गरिएको छ । १० हजार रुपैयाँ राशीको ‘मंगलादेवी स्मृति स्वास्थ्य सेवा पुरस्कार’ बाट स्वास्थ्यकर्मी राजु गुरुङ सम्मानित हुनुभएको छ ।

त्यस्तै, १० हजार रुपैयाँ राशीको ‘अजित सेन गुप्ता भित्र क्षमता पुरस्कार’ थाहा नगरपालिकाका चित्रकार अमिर भोम्जनलाई र १० हजार रुपैयाँ राशीको ‘इन्द्रकुमार कोजू स्मृति पुरस्कार’ ज्ञानोदय बालवाटिका आवासीय मा.वि.मा अध्ययनरत् अप्सना उप्रेती प्रदान गरिएको छ ।
हेटौंडा उपमहानगरपालिकाकी नगर प्रमुख मिनाकुमारी लामाको प्रमुख आतिथ्यतामा सम्मान कार्यक्रम भएको हो । वरिष्ठ कला साधक भीम विरागको सम्मानमा २०५९ सालमा स्थापना गरिएको प्रतिष्ठानले देश तथा विदेशमा रहेर नेपाली वाङ्मय क्षेत्रमा उल्लेखनीय योगदान पु¥याउँदै आएका स्रष्टा तथा सर्जकलाई सम्मानित गर्दै आएको छ ।
त्यसैगरी अधिवेशनले ३ वर्षे कार्यकालको लागि पुनः केशवलाल श्रेष्ठको नेतृत्वमा नयाँ कार्यसमिति सर्वसम्मत चयन गरेको छ । समितिको उपाध्यक्षमा श्यामकुमार बानियाँ, महासचिवमा माधवबहादुर पोखरेल, कोषाध्यक्षमा दिनेश सुवेदी र सचिवमा आशा ढकाल चयन हुनुभएको छ । यसैगरी सदस्यहरुमा गहन चौलागाईं, बालकृष्ण चौलागाईं, पदमलाल श्रेष्ठ, शर्मिला श्रेष्ठ, अन्जन दाहाल, प्रह्लाद मिश्र र गोपिनी गौतम रहनुभएको छ ।