बाढीपहिरोका कारण देशका विभिन्न सडकखण्ड अवरुद्ध
काठमाण्डौ । अविरल वर्षा र बाढीपहिरोका कारण केही सडकखण्ड अवरुद्ध भएका छन् । पहिरो खसेपछि काठमाण्डौ–हेटौंडा जोड्ने कान्ति लोकपथ र मध्यपहाडी लोकमार्गको तेह्रथुम खण्ड आज बिहानदेखि बन्द भएका छन् ।
मनाङको नासो गाउँपालिका धारापानीमा हिजोको पहिरोले चामे–बेँसीसहर सडक खण्ड अवरुद्ध छ । म्याग्दीको रघुगङ्गामा पर्ने बैसेरी र लमजुङको बेँसीसहरमा पर्ने खर्खरे भिरमा आज बिहानको पहिरोले बेनी–जोमसोम र बेँसीसहर–मनाङ सडक खण्ड पूर्ण रूपमा बन्द भएका छन् ।
सिन्धुपाल्चोकको भोटेकोशी गाउँपालिकामा पर्ने चारकिलो र कोदारीमा पहिरोले यही महिनाको १ गतेदेखि अरनिको राजमार्ग पूर्ण रूपमा बन्द छ ।
बीपी राजमार्ग अन्तर्गत काभ्रेको खुर्कोट–नेपालथोक–कटुञ्जेबेँसी सडकखण्डमा जेठ २२ गतेदेखि बेलुकी ६ बजेदेखि बिहान ४ बजेसम्म गाडी चलाउन रोक लगाइएको छ । अवस्था हेरेर दिनको समयमा मात्र गाडी चलाउन दिइएको छ ।
यस्तै मकवानपुरको कान्ति लोकपथ अन्तर्गत हेटौँडा–ठिङ्गन–बागमती–ललितपुर खण्डमा पनि असार २९ गतेदेखि बेलुकी ५ बजेदेखि बिहान ५ बजेसम्म गाडी चलाउन रोक लगाइएको छ ।
दोलखा तामाकोशीको किर्नेटारमा साउन ७ गते बाढीले लामोसाँघु–रामेछाप राजमार्ग पूर्ण रूपमा अवरुद्ध गरेपछि खिम्ती ग्रामीण विद्युत् सहकारी संस्थाको कार्यालयको परिसरबाट वैकल्पिक बाटो खुलाइएको प्रहरीले जनाएको छ ।
रसुवा उत्तरगयाको खाल्टेमा साउन ८ गतेको बाढीले त्रिशूली–मैलुङ–स्याफ्रुबेँसी सडक खण्ड पूर्ण रूपमा बन्द छ । इलामको राजदुवालीमा वैशाख २३ गतेदेखि मेची राजमार्ग पूर्ण रूपमा अवरुद्ध भए पनि अर्को वैकल्पिक बाटोको प्रयोग भइरहेको छ ।
गोरखाको धार्चेमा पर्ने अण्डर डाँडामा अस्ति १६ गते गएको पहिरोले लार्के–बेनीघाट कच्ची सडक पूर्ण रूपमा बन्द छ ।
यस्तै रुकुम पश्चिमको आठबीसकोटमा पर्ने रिजेगार्ड खोलामा साउन ६ गतेको बाढीले भेरी करिडोरको जाजरकोट–डोल्पा सडक खण्ड पूर्ण रूपमा अवरुद्ध भएको छ ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...