Day: २०८३ श्रावण १८, सोमबार १०:०५

काठमाण्डौं । हप्ताको पहिलो कारोबार दिन आज शेयर बजार सामान्य घटेको छ । शेयर बजार परिसूचक नेप्से आज ३.६२ अङ्कले घटेर २ हजार ६८१.९१ विन्दुमा झरेको छ । आज फाइनान्स, लगानी, उत्पादन, अन्य र व्यापार समूहको शेयर घटेकोमा सबैभन्दा धेरै उत्पादन समूह ६१ अङ्कले घटेको छ । आज १४० वटा कम्पनीको शेयर घटेकोमा १२८ वटा कम्पनीको बढेको छ । यस्तै ६ वटा कम्पनीको शेयर भने घटबढ भएको छैन । आज एभरेस्ट कलरको शेयर १५ प्रतिशतले बढेको छ । समग्रमा बजार बढेको दिन केबीएल डिवेन्चर २०८६ को शेयर झण्डै ९ प्रतिशतले घटेको छ । आज नेप्से घटे पनि कारोबार रकम भने…

मकवानपुर ।  मुग्लिन–नारायणगढ सडकखण्डअन्तर्गत नाम्सी नयाँ पुलमा माथिबाट ढुंगा खस्दा सडक एकतर्फी अवरुद्ध भएको छ। सडक डिभिजन भरतपुरका अनुसार ढुंगा खसेपछि सुरक्षाका कारण नयाँ पुलबाट सवारी आवागमन रोकिएको छ भने पुरानो पुलबाट मात्र एकतर्फी रूपमा सवारी सञ्चालन भइरहेको छ। अवरुद्ध सडक खुलाउन सडक डिभिजनले पहिरो तथा ढुंगा हटाउन आवश्यक उपकरण परिचालन गरिसकेको जनाएको छ। सडकलाई पुनः दुवैतर्फी सञ्चालनमा ल्याउन करिब १ देखि २ घण्टा लाग्ने अनुमान गरिएको छ। सडक डिभिजन भरतपुरले यात्रुको सुरक्षालाई प्राथमिकतामा राख्दै पुरानो पुलबाट मात्र एकतर्फी सुरक्षित यात्रा गर्न चालक तथा यात्रुलाई अनुरोध गरेको छ। साथै, सडक पूर्ण रूपमा सञ्चालनमा नआउञ्जेल सावधानी अपनाएर यात्रा गर्न पनि आग्रह…

मेडिकल व्यवसायी दुर्गा प्रसाईं पुन: पक्राउ परेका छन् । उपत्यका अपराध अनुसन्धान कार्यालय टेकु र जिल्ला प्रहरी परिसर कार्यालय भक्तपुरको टोलीले उनलाई भक्तपुरस्थित निवासबाटै आइतबार राति पक्राउ गरेको हो । परिस्थिति थप भड्काउने काम गरेको आरोपमा उनलाई पक्राउ गरिएको प्रहरी स्रोतले जनाएको छ । प्रसाईं राष्ट्र, राष्ट्रियता, धर्म, संस्कृति र नागरिक बचाउ महाअभियान नेपालका संयोजक हुन् । उनी विभिन्न आरोपमा यसअघि पनि पटक पटक पक्राउ पर्दै आएका छन् ।

काठमाण्डौ । आज काठमाण्डौ उपत्यकासहित विभिन्न २८ जिल्लामा बाढीको जोखिम छ । बाढी पूर्वानुमान महाशाखाका अनुसार काठमाण्डौ, भक्तपुर, ललितपुर र काभ्रेमा आकस्मिक बाढीको उच्च जोखिम छ । अरु २४ वटा जिल्ला ताप्लेजुङ, झापा, धनकुटा, संखुवासभा, सोलुखुम्बु, उदयपुर, दोलखा, सिन्धुपाल्चोक, रसुवा, नुवाकोट, धादिङ, मकवानपुर, गोरखा, लमजुङ, तनहुँ, कास्की, पर्वत, म्याग्दी, स्याङ्जा, पाल्पा, गुल्मी, चितवन, नवलपरासी पूर्व र नवलपरासी पश्चिमसहित आसपासमा रहेका साना नदीमा जलसतह बढ्न सक्ने र आकस्मिक बाढीको मध्यम सम्भावना रहेको छ । आज विशेषगरी तीन वटा प्रदेश कोशी, बागमती र गण्डकीका केही ठाउँमा मुसलधारे वर्षाको सम्भावना छ । मनसुन सक्रिय रहेको हुँदा दैनिक जनजीवन, पर्यटन, पर्वतारोहण तथा सडक र…

काठमाण्डौ । आज सुनचाँदीको भाउ बढेको छ । सुन आज तोलामा ८०० रुपैयाँले बढेको हो । हिजो तोलामा १ हजार ८०० रुपैयाँले घटेर तोलाको २ लाख ८३ हजार २०० रुपैयाँमा कारोबार भएको सुनको भाउ आज बढेर २ लाख ८४ हजार पुगेको नेपाल सुनचाँदी व्यवसायी महासंघले जनाएको छ । यस्तै आज चाँदीको भाउ पनि तोलामा ३५ रुपैयाँले बढेको छ । हिजो ४५ रुपैयाँले घटेर तोलाको ४ हजार ३१५ रुपैयाँमा कारोबार भएको चाँदी आज तोलाको ४ हजार ३५० रुपैयाँमा कारोबार भैरहेको महासंघले जनाएको छ ।

काठमाण्डौ । मनसुन फेरि सक्रिय भएको छ । हिजो मध्य र पश्चिम तराईका धेरै ठाउँ तथा गएराति मध्य र पूर्वी क्षेत्रका धेरैजसो ठाउँमा पानी परेको जल तथा मौसम विज्ञान विभागले जनाएको छ । आज पनि काठमाण्डौ उपत्यकासहित देशका धेरै ठाउँमा हल्कादेखि मध्यम वर्षा भैरहेको छ । आज विशेषगरी तीन वटा प्रदेश कोशी, बागमती र गण्डकीका केही ठाउँमा मुसलधारे वर्षाको सम्भावना छ । अरु पहाडी र तराईका केही ठाउँमा हल्कादेखि मध्यम वर्षाको अनुमान छ । काठमाण्डौ उपत्यकामा पनि थप वर्षाको सम्भावना छ ।  आजराति पनि कोशी, बागमती र गण्डकीसहित लुम्बिनी, कर्णाली र सुदूरपश्चिम प्रदेशमा पानी पर्ने सम्भावना छ । मनसुन सक्रिय…

काठमाण्डौ । अविरल वर्षा र बाढीपहिरोका कारण केही सडकखण्ड अवरुद्ध भएका छन् । पहिरो खसेपछि काठमाण्डौ–हेटौंडा जोड्ने कान्ति लोकपथ र मध्यपहाडी लोकमार्गको तेह्रथुम खण्ड आज बिहानदेखि बन्द भएका छन् । मनाङको नासो गाउँपालिका धारापानीमा हिजोको पहिरोले चामे–बेँसीसहर सडक खण्ड अवरुद्ध छ । म्याग्दीको रघुगङ्गामा पर्ने बैसेरी र लमजुङको बेँसीसहरमा पर्ने खर्खरे भिरमा आज बिहानको पहिरोले बेनी–जोमसोम र बेँसीसहर–मनाङ सडक खण्ड पूर्ण रूपमा बन्द भएका छन् । सिन्धुपाल्चोकको भोटेकोशी गाउँपालिकामा पर्ने चारकिलो र कोदारीमा पहिरोले यही महिनाको १ गतेदेखि अरनिको राजमार्ग पूर्ण रूपमा बन्द छ । बीपी राजमार्ग अन्तर्गत काभ्रेको खुर्कोट–नेपालथोक–कटुञ्जेबेँसी सडकखण्डमा जेठ २२ गतेदेखि बेलुकी ६ बजेदेखि बिहान ४ बजेसम्म…