३३ जिल्लामा बाढीको जोखिम, मुख्य नदीहरुमा बहाव बढ्न सक्ने
काठमाण्डौ । बाढी पूर्वानुमान महाशाखाले आउँदो तीन दिन देशका प्रमुख तथा सहायक नदीहरूमा बहाव बढ्ने पूर्वानुमान गरेको छ ।
महाशाखाले निकालेको बाढी पूर्वानुमान बुलेटिनअनुसार आज कोशी, नारायणी, कर्णाली, महाकाली तथा राप्तीका सहायक नदीहरू, कन्काई, कमला, बागमती, पूर्वी राप्ती, पश्चिम राप्ती, बबईलगायत नदीहरूमा बहाव सामान्यदेखि उल्लेख्य रूपमा बढ्ने सम्भावना रहेको छ । महाशाखाले आज स–साना नदी तथा खोलामा बाढीको जोखिम रहने जनाएको छ ।
आज सुखवासभा, सोलुखुम्बु, रामेछाप, दोलखा, सिन्धुपाल्चोक, काठमाडौं, भक्तपुर, ललितपुर, काभ्रेपलाञ्चोक, गोरखा, तनहुँ, लमजुङ, कास्की, स्याङ्जा, चितवन, नवलपरासी पूर्व, नवलपरासी पश्चिम, रुकुम पूर्व, रुकुम पश्चिम, जाजरकोट, डोल्पा, मुगु, सुर्खेत, बाँके, बर्दिया, दाङ, दैलेख, बैतडी, बझाङ, डोटी, डडेल्धुरा, कैलाली र कञ्चनपुरमा बाढीको जोखिम छ । नदी तथा खोलाको तटीय क्षेत्रमा बसोबास गर्ने तथा यात्रा गर्ने नागरिकलाई सतर्कता अपनाउन महाशाखाले आग्रह गरेको छ ।
भोलि र पर्सि पनि गण्डकी, लुम्बिनी र सुदूरपश्चिम प्रदेश भएर बहने केही स–साना नदीमा बहाव आकस्मिक रूपमा बढ्न सक्ने सम्भावना छ । त्यसैले स्थानीय प्रशासन तथा सम्बन्धित निकायले जोखिमयुक्त क्षेत्रमा निगरानी बढाउन र सर्वसाधारणले नदी तथा खोलामा पानीको सतह बढेको अवस्थामा सावधानी अपनाउन महाशाखाको आग्रह छ ।
महाशाखाले नदीको बहाव तथा मौसमसम्बन्धी सूचना नियमित रूपमा हेर्न र जोखिमको अवस्था देखिएमा सुरक्षित ठाउँतर्फ जान आग्रह गरेको छ ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...