चौघडा सहकारीको साधारणसभा सम्पन्न, अध्यक्षमा पुनः श्रेष्ठ चयन
हेटौँडा । हेटौँडा–६ चौघडास्थित चौघडा बचत तथा ऋण सहकारी संस्थाको अध्यक्षमा विजयकुमार श्रेष्ठ पुनः सर्वसम्मत चयन भएका छन् । संस्थाको शनिबार चौघडामा सम्पन्न १८औँ वार्षिक साधारणसभा तथा अधिवेशनले श्रेष्ठको अध्यक्षतामा नौ सदस्यीय सञ्चालक समिति सर्वसम्मत चयन गरेको हो ।
समितिको उपाध्यक्षमा त्रिविक्रम मानन्धर, सचिवमा तारानाथ चौलागाईं र कोषाध्यक्षमा शुभद्रा कोइराला चयन भएका छन् । संस्थाको सदस्यमा रामचन्द्र अधिकारी, राजकुमार कायस्थ, सुवोधकुमार भट्टराई, पुष्पाकुमारी जोशी र गोमा लामिछाने चयन भएका हुन् । त्यस्तै, लेखा सुपरिवेक्षण समितिको संयोजकमा विजयकुमार हुमागाईं तथा सदस्यमा बुद्धरत्न मानन्धर चयन भएका हुन् ।
नयाँ सञ्चालक समिति र लेखा सुपरिवेक्षण समितिको निर्वाचनका लागि अर्जुनप्रसाद चौलागाईंको संयोजकत्वमा रविन्द्रकुमार गौतम र भीमसेन पौडेल सदस्य रहेको तीन सदस्यीय निर्वाचन उपसमिति गठन गरिएको थियो । साधारणसभामा अध्यक्ष श्रेष्ठले संस्थागत प्रतिवेदन, सचिव अर्जुनप्रसाद हुमागाईंले प्रगति प्रतिवेदन, कोषाध्यक्ष शुभद्रा कोइरालाले आर्थिक प्रतिवेदन र लेखा संयोजक सुवोधकुमार भट्टराईले लेखा समितिको प्रतिवेदन प्रस्तुत गरेका थिए ।
साधारणसभाका अवसरमा ज्येष्ठ संस्थापक सदस्य ध्रुव कार्की, उत्कृष्ट ऋणी किरण झा र कुलराज श्रेष्ठ, उत्कृष्ट बचतकर्ता सुरज न्यौपाने र सुनिता पौडेल तथा २०८२ सालको एसइई परीक्षामा उत्कृष्ट अङ्क हासिल गर्ने इच्छा श्रेष्ठ, सन्दिप चौलागाईं र सज्जित लामिछानेलाई सम्मान गरिएको थियो । बाल बचतकर्तातर्फ रोजा श्रेष्ठ र आदर्श थापा मगरलाई पनि पुरस्कृत गरिएको थियो ।
हेटौँडा–६ का वडाध्यक्ष एवम् संस्थाका शेयर सदस्य विष्णुबहादुर दाहालको प्रमुख आतिथ्यता तथा अध्यक्ष श्रेष्ठको सभाध्यक्षतामा साधारणसभा सम्पन्न भएको हो । सभामा विभिन्न सङ्घसंस्थाका प्रतिनिधिले शुभकामना मन्तव्य व्यक्त गरेका थिए ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...