चौघडा सहकारीले जेष्ठ सदस्यलाई गरायो देवघाट दर्शन

१८ माघ/हेटौंडा ।
हेटौंडा-६ स्थित चौघडा बचत तथा ऋण सहकारी संस्थाले आफ्ना जेष्ठ शेयर सदस्यलाई तीर्थस्थलको भ्रमण गराएको छ ।

संस्थाको शिक्षा उपसमितिले शनिबार ४५ जना आफ्ना जेष्ठ शेयर सदस्यलाई नवलपरासीको देवघाट धाम तीर्थस्थलको भ्रमण गराएको उपसमितिका संयोजक रामचन्द्र अधिकारीले बताउनुभयो ।

सहकारीले वार्षिक कार्ययोजना बनाई आफ्ना विभिन्न उमेरसमुहका शेयर सदस्यहरुलाई अन्तरसहकारी भ्रमण, तीर्थभ्रमण लगाएत सहकारीका काम कारबाहीहरुको जानकारी गराउदै आएको सहकारीका अध्यक्ष बिजय कुमार श्रेष्ठले बताउनुभयो ।

कुल २८३९ जना शेयर सदस्य रहेको यस संस्थाको २ करोड ९९ लाख शेयरपुँजी छभने कुल सम्पत्ति ४३ करोड ९० लाख रहेको छ ।