शेयर बजारमा सामान्य गिरावट

काठमाण्डौं । हप्ताको पहिलो कारोबार दिन आज शेयर बजार सामान्य घटेको छ । शेयर बजार परिसूचक नेप्से आज ३.६२ अङ्कले घटेर २ हजार ६८१.९१ विन्दुमा झरेको छ ।

आज फाइनान्स, लगानी, उत्पादन, अन्य र व्यापार समूहको शेयर घटेकोमा सबैभन्दा धेरै उत्पादन समूह ६१ अङ्कले घटेको छ । आज १४० वटा कम्पनीको शेयर घटेकोमा १२८ वटा कम्पनीको बढेको छ । यस्तै ६ वटा कम्पनीको शेयर भने घटबढ भएको छैन ।

आज एभरेस्ट कलरको शेयर १५ प्रतिशतले बढेको छ । समग्रमा बजार बढेको दिन केबीएल डिवेन्चर २०८६ को शेयर झण्डै ९ प्रतिशतले घटेको छ । आज नेप्से घटे पनि कारोबार रकम भने बढेको छ ।

गएको शुक्रवार ३ अर्ब ७५ करोड रुपैयाँको शेयर किनबेच भएकोमा आज ३४८ वटा कम्पनीका एक करोड ४५ लाख कित्ता शेयर चार अर्ब १९ करोड ९० लाख रुपैयाँमा कारोबार भएको छ ।