विनाशकारी बाढीपहिरोपछि नेपालमा बाढीपीडितका लागि अन्तर्राष्ट्रिय सहयोग आउने क्रम तीव्र
काठमाण्डौ । रसुवाको भोटेकोशीसहित विभिन्न क्षेत्रमा गएको विनाशकारी बाढीपहिरोपछि नेपालमा अन्तर्राष्ट्रिय सहयोग आउने क्रम तीव्र भएको छ ।
पछिल्लो पटक अमेरिकाले बाढी प्रभावित नेपाली नागरिकका लागि ३६ लाख अमेरिकी डलरभन्दा बढीको मानवीय सहायता उपलब्ध गराउने घोषणा गरेको छ ।
अमेरिकी विदेश मन्त्रालयका अनुसार सहयोगबाट बाढी प्रभावित १० हजार परिवारलाई तीन महिनासम्म आपत्कालीन खाद्य सहायता उपलब्ध गराइनेछ । यसअघि अमेरिकाले बाढी प्रभावित क्षेत्रमा ५ लाख अमेरिकी डलर आपत्कालीन सहयोग तथा विपद् व्यवस्थापन विज्ञ परिचालन गर्ने घोषणा गरिसकेको थियो ।
यस्तै भारतबाट नेपालले अहिलेसम्म ५७ टनभन्दा बढी राहत सामग्री प्राप्त गरिसकेको परराष्ट्र मन्त्रालयले जनाएको छ । भारतले राहत सामग्रीसँगै बाढी प्रभावित क्षेत्रमा खोजी तथा उद्धारका लागि प्राविधिक सहयोगसमेत उपलब्ध गराएको छ । पछिल्लो चरणमा भारतबाट ११ सदस्यीय विशेष प्राविधिक टोली नेपाल आएको छ, जसले बाढीका कारण जलविद्युत् आयोजनाका सुरुङमा फसेका व्यक्तिको उद्धारका लागि स्थलगत अध्ययन गरिरहेको छ ।
चीनले पनि सुरुङ उद्धारका लागि विशेषज्ञ टोली परिचालन गरेको छ । नेपालको चिनियाँ पक्षले राहत सामग्री तथा आर्थिक सहयोग उपलब्ध गराउनुका साथै उद्धार तथा प्राविधिक सहयोगमा समेत सहकार्य गरिरहेको छ । नेपाल सरकारले चीन, जापान, अस्ट्रेलियालगायतका मित्रराष्ट्र तथा साझेदारबाट अत्यावश्यक राहत सामग्री प्राप्त भइरहेको जनाएको छ ।
यसैबीच, श्रीलंकाले नेपालका बाढीपहिरो प्रभावितका लागि १० लाख अमेरिकी डलर मानवीय सहायता उपलब्ध गराउने घोषणा गरेको छ । श्रीलंकाका राष्ट्रपति अनुरा कुमारा दिसानायकेले तत्काल राहत तथा मानवीय कार्यमा सहयोग पुर्याउन उक्त रकम उपलब्ध गराउन निर्देशन दिएका हुन् ।
संयुक्त राष्ट्रसंघले पनि नेपालका बाढी प्रभावितका लागि २५ लाख अमेरिकी डलर आपत्कालीन सहायता परिचालन गरेको छ । स्विट्जरल्यान्डले संयुक्त राष्ट्रसंघमार्फत १० लाख अमेरिकी डलर सहयोग उपलब्ध गराएको छ भने अस्ट्रेलिया र बेलायतले पनि राहत तथा मानवीय सहयोगका लागि प्रतिबद्धता जनाएका छन् ।
अस्ट्रेलियाले नेपालका बाढी प्रभावित समुदायका लागि ५० लाख अस्ट्रेलियन डलर सहयोग गर्ने घोषणा गरेको छ । यसअघि बेलायतले ५० लाख पाउन्ड सहयोग तथा आपत्कालीन उद्धार जनशक्ति परिचालन गर्ने घोषणा गरेको थियो ।
मुख्य समाचार
लक्ष्मीपूजामा मुख्यमन्त्रीको सन्देश : नारी शक्तिको सम्मान गरौँ
मकवानपुर । तिहारलाई उज्यालो, उमङ्ग र धनधान्यकी देवी लक्ष्मीको पूजा आराधना गर्ने पर्वका रूपमा मनाइँदै गर्दा बागमती प्रदेशका मुख्यम...
पत्रकारिताको आलोचना लोकतन्त्रको सुन्दर पक्ष हो : प्रदेश प्रमुख देवकोटा
हेटौंडा । बागमती प्रदेशका प्रदेश प्रमुख दीपकप्रसाद देवकोटाले पत्रकारिताले गर...
तिहारको दोस्रो दिन आज कुकुरतिहार र लक्ष्मीपूजा गरिँदै
मकवानपुर । तिहारको दोस्रो दिन आइतबार कुकुरतिहार र लक्ष्मीपूजा एकै दिन मनाइँदै छ । तिथिको घटबढका कारण दिउँसो चतुर्दशी तिथि र सा...
खोलाभित्रै मेसिन प्रयोग गरेर सडक निर्माण, ऋद्धिसिद्धिबारे छानबिन गर्न स्थानीयको माग
हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथ...