राष्ट्रिय परीक्षा बोर्डले कक्षा १२ को परीक्षा प्रमाणपत्र तथा अन्य शिक्षासम्बन्धी कागजातहरूको शुल्क बढायो

मकवानपुर । राष्ट्रिय परीक्षा बोर्डले कक्षा १२ को परीक्षा प्रमाणपत्र तथा अन्य शिक्षासम्बन्धी कागजातहरूको शुल्क वृद्धि गरेको छ।

भदौ २९ गते बसेको बोर्ड बैठकको निर्णयअनुसार नयाँ शुल्क दर लागू गरिएको हो। बोर्डका अनुसार ट्रान्सक्रिप्ट, माइग्रेशन, प्रोभिजनल, डुप्लिकेट ट्रान्सक्रिप्ट, डुप्लिकेट माइग्रेशन, डुप्लिकेट प्रोभिजनल तथा डुप्लिकेट अंकपत्र सबैको शुल्क अब रू. ४०० रहने छ।

यसअघि विद्यार्थीहरूले तिर्दै आएको शुल्कमा सुधार गर्दै सबै कागजातको शुल्क समान बनाइएको बोर्डको भनाइ छ। यसबाहेक, तत्काल (TMP) सेवाबाट प्रमाणपत्र लिन चाहने विद्यार्थीले रू. १,५०० तिर्नुपर्ने व्यवस्था यथावत राखिएको छ।

१० दिनभित्र सेवाग्राहीले कागजात पाउने व्यवस्था पनि निरन्तर रहने बोर्डले जनाएको छ। विद्यार्थीहरूलाई आवश्यक पर्ने कागजातहरू सहज रूपमा उपलब्ध गराउने उद्देश्यले शुल्क संरचना समायोजन गरिएको बोर्डले स्पष्ट पारेको छ।