समाचार

२०८२ कार्तिक १६, आईतवार ०८:१४ २०८२ कार्तिक १६, आईतवार ०८:१४

मोटरसाइकल दुर्घटनामा एकको मृत्यु

अलगधार0 Commentsसमाचार

मकवानपुर । गुल्मीको मदन भण्डारी राजमार्गअन्तर्गत इस्मा गाउँपालिका–१ को भराहा खोला नजिक मोटरसाइकल दुर्घटना हुँदा एक जनाको मृत्यु भएको छ । तम्घास– सिमलटारी सडक खण्डमा झरनाबाट तम्घासतर्फ आउँदै गरेको रेसुङ्गा नगरपालिका–२ बाख्रेछेडाका मोहनसिंह बस्नेतको लु ५६ प ८४२६ नं.को २०० सि.सि. मोटरसाइकल अनियन्त्रित भई दुर्घटना हुँदा सोही स्थानका सरोज बस्नेतको मृत्यु भएको जिल्ला प्रहरी कार्यालय गुल्मीले जनाएको छ । दुर्घटनामा गम्भीर घाइते बस्नेतलाई गुल्मी अस्पतालले मृत घोषणा गरेको जिल्ला प्रहरी कार्यालय गुल्मीका प्रहरी नायब उपरीक्षक गङ्गाबहादुर सारुले जानकारी दिनुभयो । मोटरसाइकल चालक प्रहरीको नियन्त्रणमा रहेको सारुले बताउनुभयो ।

Read More

२०८२ कार्तिक १६, आईतवार ०८:१० २०८२ कार्तिक १६, आईतवार ०८:१०

बाजुरामा बस दुर्घटना, घाइते सहचालक जोशीको मृत्यु

अलगधार0 Commentsसमाचार

मकवानपुर । बाजुरामा गत शनिबार बस दुर्घटनामा परी घाइते भएका बैतडीका २७ वर्षीया सहचालक गणेश जोशीको उपचारका क्रममा मृत्यु भएको छ । गत शनिबार बुढीनन्दा नगरपालिका –७ को सेरकाटियानजिक बस दुर्घटना परी घाइते हुनुभएका जोशीलाई जिल्ला अस्पताल बाजुरामा ल्याएको थियो । उहाँलाई थप उपचारका लागि धनगढी पठाउने बेलामा गाडीमा राख्दा राख्दै उहाँको मृत्यु भएको हो । उहाँ सुप्र ०१००१ ख ३१८१ नम्बरको बस को सहचालक हुनुहुन्थयो । सो बस हिजो कोल्टीदेखि मार्तडी हुँदै धनगढी जाँदै गरेका बेला दुर्गघना हुँदा उहाँ घाइते हुनुभएको थियो । बस सडकमै पल्टिँदा उहाँलगायत अन्य ६ जना घाइते भएका थिए । घाइते छ जनालाई थप उपचारका…

Read More

२०८२ कार्तिक १६, आईतवार ०७:२५ २०८२ कार्तिक १६, आईतवार ०७:२५

तीन दिनदेखि अवरुद्ध बिपी राजमार्ग सञ्चालन

अलगधार0 Commentsसमाचार

मकवानपुर । बाढीपहिरोका कारण तीन दिनदेखि अवरुद्ध बिपी राजमार्ग सञ्चालनमा आएको छ । राजमार्गअन्तर्गत काभ्रेपलाञ्चोकतर्फ चौकीडाँडा-नेपालथोक सडकखण्डका विभिन्न स्थानमा पहिरो तथा लेदो खसेकाले अवरुद्ध भएको थियो । अवरोध हटाउनुका साथै लेदो बगेको स्थानमा ‘डाइभर्सन’ बनाएर आज बिहानदेखि राजमार्ग सञ्चालनमा ल्याइएको डिभिजन सडक कार्यालय भक्तपुरका प्रमुख डिभिजनल सिनियर इञ्जिनियर सुमन योगेशले जानकारी दिनुभयो । उहाँका अनुसार काभ्रेपलाञ्चोकको रोशी गाउँपालिका-८ चारसयबेँसीमा ५० मिटर डाइभर्सन बनाएपछि राजमार्ग सञ्चालनमा ल्याइएको हो । सुक्खा पहिरोका कारण डाइभर्सन तथा अवरोध हटाउन केही समस्या भएको इञ्जिनियर योगेशले बताउनुभयो । यस्तै, रोशी-१२ माम्ती क्षेत्रमा सुक्खा पहिरो खसिरहेकाले शनिबार पनि अवरोध पन्छाउन नसकिएको उहाँले बताउनुभयो । “सुक्खा पहिरो रोकिएपछि…

Read More

२०८२ कार्तिक १६, आईतवार ०७:२२ २०८२ कार्तिक १६, आईतवार ०७:२२

बाँकेबाट भागेका २२३ कैदीबन्दी अझै फरार

अलगधार0 Commentsसमाचार

मकवानपुर । बाँके जिल्लाका दुई वटा बालसुधार गृह र एउटा कारागारबाट भागेका कैदीबन्दीहरुमध्ये २२३ जना अझै पक्राउ नपरेको जिल्ला प्रहरी कार्यालय बाँकेले जनाएको छ । जिल्ला प्रहरी कार्यालय बाँकेका प्रहरी प्रमुख प्रहरी उपरीक्षक अंगुर जिसीले जेनजी आन्दोलनको क्रममा गत भदौ २४ बाँकेको नौबस्ता बालसुधार गृह, नौबस्ता कारागा र डुडुवाको आसमानपुरस्थित जयेन्दु बालसुधार गृहबाट भागेका ३४० जना कैदीबन्दी मध्ये २२३ जना अझैपनि पक्राउ नपरेको बताउनुभयो । उहाँले तीमध्ये केही भारतमा प्रवेश गरेको र अन्यहरु नेपालमै कतै लुकेर बसेको हुन सक्ने जनाउँदै खोजी कार्य भइरहेको पनि बताउनुभयो । प्रहरी प्रमुख प्रहरी उपरीक्षक जिसीका अनुसार बाँकेको डुडुवा गाउँपालिकाको आसमानपुरस्थित बाल सुधारगृहबाट भागेका ६६…

Read More

२०८२ कार्तिक १६, आईतवार ०६:०७ २०८२ कार्तिक १६, आईतवार ०६:०७

तेह्रथुममा अविरल वर्षाले किसानको बाली नष्ट, स्थानीय अर्थतन्त्र सङ्कटमा

अलगधार0 Commentsसमाचार

मकवानपुर । चार दिनदेखि लगातार परिरहेको अविरल वर्षाले तेह्रथुम जिल्लाका किसानहरूलाई ठुलो मार परेको छ । निरन्तरको वर्षातका कारण खेतमा लगाइएका धान, कोदो, मकै, तरकारीदेखि फलफूलसम्मका अधिकांश बालीहरू ढलेर नष्ट भएका छन् । खेतबारी जलमग्न बनेका छन् र केही स्थानमा पहिरो र बाढीले समेत खेतीयोग्य जमिन बगाएको स्थानीयहरूले बताएका छन् । तेह्रथुमका किसानहरूले वर्षभरिको परिश्रम र आशामा लगाएको बाली अहिले वर्षाको कारण तहसनहस भएको छ । जिल्लाका अधिकांश गाउँहरू—म्याङलुङ, फेदाप, लालीगुराँस, छथर, मेन्छ्यायेम, आठराईलगायतका क्षेत्रमा निरन्तरको वर्षाका कारण किसानहरूको अनुहारमा निराशा र चिन्ता झल्किएको छ । गत असारमा रोपाइँका बेला खडेरीले धान लगाउन ढिलो भएको र अहिले बाली उठाउने बेला…

Read More

२०८२ कार्तिक १६, आईतवार ०५:५६ २०८२ कार्तिक १६, आईतवार ०५:५६

अछामको हाटबजारमा आगलागी, सात पसल जलेर नष्ट

अलगधार0 Commentsसमाचार

मकवानपुर । अछामको प्रमुख व्यापारीक केन्द्र साँफेबगर नगरपालिका वडा नम्बर ३ स्थित हाटबजारमा शनिबार राति आगलागी भएको छ । आगलागीमा परी ७ वटा पसल पूर्णरुपमा जलेर खरानी बनेका छन् । स्थानीयहरुका अनुसार, आगो करिब पौने ९ बजे तिर सुरु भएको थियो । गत वैशाख १३ गते यसै स्थान नजिकै आगलागी भएर ठुलो क्षति भएको थियो । छ महिनामै दोस्रो पटक लागेको आगलागीले बजारका व्यापारीहरु पुनः शोकमा डुबाएका छन् । सुरक्षा निकाय र स्थानीय बासिन्दाले निर्माण व्यवसायी गौतम कुँवरको जेसिबी र ईन्दसरा आयल स्टोरको पानी ट्याङ्करको सहायतामा करिब डेढ घण्टापछि आगो नियन्त्रणमा लिन सफल भएका थिए । आगलागीबाट जलेर नष्ट भएका…

Read More

२०८२ कार्तिक १६, आईतवार ०५:४५ २०८२ कार्तिक १६, आईतवार ०५:४५

धनुषामा बस र अटो ठोक्किँदा चार जनाको मृत्यु, दुई गम्भीर घाइते

अलगधार0 Commentsसमाचार

मकवानपुर । धनुषाको वीरेन्द्र बजारमा यात्रुवाहक बस र अटो एकआपसमा ठोक्किँदा चार जनाको मृत्यु भएको छ भने दुई जना गम्भीर घाइते भएका छन् । प्रहरीका अनुसार विराटनगरबाट धनगढीतर्फ जाँदै गरेको सु.प्र.०१–००१ ख ३२८८ नम्बरको यात्रुवाहक बसले विपरीत दिशाबाट आउँदै गरेको प्र.२–०१–००१ ह १२३० नम्बरको अटोलाई शनिबार साँझ करिब ७ बजेतिर ठक्कर दिएकोे थियो । दुर्घटनामा जिल्ला धनुषा गणेशमान चारनाथ नगरपालिका–१ बस्ने अन्दाजी ४० वर्षीय धनबहादुर पूर्वछाने मगर, उहाँको श्रीमती ३५ वर्षीया निशा मगर, सोही ठाउँका ३५ वर्षीय शम्भु पूर्वछाने मगर र ४० वर्षीय डम्बर राईको मृत्यु भएको इलाका प्रहरी कार्यालय ढल्केवरले पुष्टि गरेको छ । घाइते हुनेमा धनबहादुरका १४ वर्षीया…

Read More

२०८२ कार्तिक १६, आईतवार ०५:३३ २०८२ कार्तिक १६, आईतवार ०५:३३

आज सुनको मूल्यमा सामान्य वृद्धि

अलगधार0 Commentsअर्थ, समाचार

मकवानपुर । गत शुक्रबारको तुलनामा स्थानीय बजारमा आज सुनको मूल्यमा सामान्य वृद्धि भएको छ । नेपाल सुनचाँदी व्यवसायी महासङ्घका अनुसार सुन प्रतितोला रु ७०० ले बढेको छ भने चाँदी प्रतितोला रु पाँचले घटेको छ । गत शुक्रबार तोलाको रु दुई लाख ३९ हजारमा कारोबार भएको एक तोला सुनको मूल्य आज रु दुई लाख ३९ हजार ७०० कायम भएको महासङ्घले जनाएको छ । यसैगरी, चाँदीको मोल प्रतितोला रु तीन हजार ५५ निर्धारण भएको छ । अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा प्रतिऔँस सुन चार हजार अमेरिकी डलरमा कारोबार भइरहेको छ ।

Read More

२०८२ कार्तिक १६, आईतवार ०५:१३ २०८२ कार्तिक १६, आईतवार ०५:१३

आजबाट मौसममा सुधार

अलगधार0 Commentsसमाचार

मकवानपुर । आजदेखि मौसममा थप सुधार भएको छ । काठमाण्डौ उपत्यकासहित देशका धेरै ठाउँमा आज घाम लागेको छ । पहाडी भागमा मौसम बदलीको अवस्था रहे पनि बाँकी भागमा भने आज मौसम सफा छ । जल तथा मौसम पूर्वानुमान महाशाखाका अनुसार हिजोदेखि नै मौसममा क्रमिक सुधार हुँदै गएकोमा आज बिहानदेखि थप सुधार भएको हो । मौसमविद् सञ्जीव अधिकारीका अनुसार बङ्गालको खाडीबाट विकसित मोन्था चक्रवातको प्रभाव हटे पनि नेपालमा अहिले पश्चिमी वायु र अरब सागरमा बनेको न्यून चापीय प्रणालीको प्रभाव छ । आज केही ठाउँमा पानी पर्ने सम्भावना छ । मौसमविद्का अनुसार कोशी, बागमती र गण्डकी प्रदेशका पहाडी भागका थोरै ठाउँमा आज…

Read More

२०८२ कार्तिक १४, शुक्रबार ११:२७ २०८२ कार्तिक १४, शुक्रबार ११:२७

भारतीय कन्टेनर ट्रकको ठक्करबाट मोटरसाइकल चालकको मृत्यु

अलगधार0 Commentsसमाचार

मकवानपुर । चितवन जिल्लाको भरतपुर महानगरपालिका–२९ सिमलताल नजिकैको मुग्लिङ–नारायणगढ सडकखण्डमा मोटरसाइकल र भारतीय कन्टेनर ट्रक एक आपसमा ठोक्किँदा एक जनाको मृत्यु भएको छ । बिहीबार बिहान ११ बजेर १० मिनेटको समयमा मुग्लिङबाट नारायणगढतर्फ जाँदै गरेको बागमती प्रदेश ०२–०५६ प ९८०४ नम्बरको मोटरसाइकल र विपरीत दिशाबाट आउँदै गरेको एनएल ०१–२३७४ नम्बरको भारतीय कन्टेनर ट्रक एक आपसमा ठोक्किँदा दुर्घटना भएको बागमती प्रदेश प्रहरी कार्यालय हेटौँडाले जानकारी दिएको छ । दुर्घटनामा मोटरसाइकल चालक धादिङ जिल्लाको गजुरी गाउँपालिका–८ का ३८ वर्षीय रामचन्द्र तामाङ र पछाडी सवार १८ वर्षीय रोहित तामाङ घाइते भएका थिए । घाइते दुवैलाई उपचारका लागि भरतपुरस्थित नयाँ मेडिकल कलेज लगिएको थियो…

Read More