समाचार

२०८२ कार्तिक २१, शुक्रबार ०६:२१ २०८२ कार्तिक २१, शुक्रबार ०६:२१

अफगानिस्तानले नेपाललाई दियो एक सय १३ रनको लक्ष्य

अलगधार0 Commentsखेलकुद, समाचार

मकवानपुर । हङकङमा आजदेखि सुरु हङकङ सिक्सेस क्रिकेट प्रतियोगितामा अफगानिस्तानले नेपाललाई जितका लागि ११३ रनको लक्ष्य दिएको छ । हङकङको मोङ कोकस्थित मिसन रोड ग्राउन्डमा जारी खेलमा टस जितेर पहिले ब्याटिङ गरेको अफगानिस्तानले ५ विकेट गुमाउँदै ११२ रनको योगफल बनाएको हो । नेपालका लागि राशिद खानले ह्याट्रिकसहित ४ विकेट लिए । अर्को विकेट लोकेश बमले लिए । प्रतियोगितामा १२ टोली सहभागी छन् । नेपाल ब्याटिङ गरिरहेको छ ।

Read More

२०८२ कार्तिक २१, शुक्रबार ०६:०९ २०८२ कार्तिक २१, शुक्रबार ०६:०९

सुर्खेतको हिरासतमा रहेका एक थुनुवाको मृत्यु

अलगधार0 Commentsसमाचार

मकवानपुर । जिल्ला प्रहरी कार्यालय सुर्खेतको हिरासतमा रहेका एक थुनुवाको मृत्यु भएको छ । लागुऔषध कारोबार मुद्दामा थुनामा रहेका वीरेन्द्रनगर नगरपालिका–११, पिपिराका ३५ वर्षीय गंगे सुनारको शुक्रबार बिहान मृत्यु भएको प्रहरीले पुष्टि गरेको छ । जिल्ला प्रहरी कार्यालय सुर्खेतका प्रवक्ता प्रहरी नायब उपरीक्षक डीएसपी मोहनजंग बुढाथोकीका अनुसार सुनारको आज बिहान बेहोस अवस्थामा फेला परेपछि उपचारका लागि तत्काल कर्णाली प्रदेश अस्पताल पु¥याइएको थियो । चिकित्सकले सुनारलाई उपचारकै क्रममा मृत घोषणा गरेका हुन् । ‘‘सुनारसँगै सुतेका अन्य थुनुवाले बिहान उठाउन खोज्दा नउठेपछि प्रहरीलाई खबर गरेका थिए,’’ डीएसपी बुढाथोकीले भन्नुभयो, ‘‘त्यसपछि सुनारलाई तुरुन्त अस्पताल पु¥याइयो, तर चिकित्सकले मृत घोषणा गर्नुभयो ।’’ प्रहरीका अनुसार…

Read More

२०८२ कार्तिक २१, शुक्रबार ०५:५१ २०८२ कार्तिक २१, शुक्रबार ०५:५१

मेलम्चीको पानी पूर्ण रूपमा रोकियो

अलगधार0 Commentsसमाचार

मकवानपुर । आफ्ना माग पूरा नभएको भन्दै भेण्डर, मेलम्ची बाढी पीडितलगायतका समितिहरुको समूहले मेलम्ची खानेपानी काठमाडौँ पथान्तरण बन्द गरेका छन् । मेलम्ची खानेपानी आयोजना अन्तर्गतको मुहान क्षेत्रमा बिहीबार स्थानीयवासीले काठमाडौँ पथान्तरण गरिने पानी बन्द गरेको मेलम्ची खानेपानी विकास समितिका कार्यकारी निर्देशक जगरनाथ दासले जानकारी दिनुभयो । उहाँले भन्नुभयो, “गतवर्ष तत्कालीन खानेपानीमन्त्री प्रदीप यादवसँग भएको सम्झौता कार्यान्वयनको माग गर्दै स्थानीयले आज मुहान बन्द गर्नुभएको छ । मुहान बन्द गरिएपछि बिहीबार दिउँसोेदेखि काठमाडौँमा आउने मेलम्चीको पानी पूर्णरूपमा रोकिएको छ ।” विसं २०७८ सालको बाढीपहिरो पीडितलगायतका अन्य पीडितहरुका माग पूरा नभएको भन्दै स्थानीयवासीले पानी बन्द गरेका हुन् । वर्षा सुरु भएपछि गएको असारमा…

Read More

२०८२ कार्तिक २१, शुक्रबार ०५:३५ २०८२ कार्तिक २१, शुक्रबार ०५:३५

बालबालिकालाई भिटामिन ‘ए’ आज पनि खुवाइँदै

अलगधार0 Commentsसमाचार

मकवानपुर । स्वास्थ्य सेवा विभागको पोषण शाखाले आज पनि बालबालिकालाई राष्ट्रिय भिटामिन ‘ए’ कार्यक्रमअन्तर्गत भिटामनि ‘ए’ क्याप्सुल र जुकाको औषधि खुवाउने जनाएको छ । शाखाप्रमुख लीलाविक्रम थापाका अनुसार छ महिनादेखि ५९ महिनाका बालबालिकालाई भिटामिन ‘ए’ तथा एक वर्षदेखि पाँच वर्षसम्मका बालबालिकालाई जुकाको औषधि आज पनि खुवाइनेछ । दोस्रो चरणको भिटामिन ‘ए’ कार्यक्रम आगामी वैशाख ६ र ७ गते खुवाइने छ । यो कार्यक्रम सञ्चालन गर्न ५२ हजार महिला स्वास्थ्य स्वयंसेविका र १५ हजार स्वास्थ्यकर्मी परिचालन भएका छन् । बालबालिकामा कुपोषणको जोखिम हुन नदिन सरकारले २०५० सालदेखि भिटामिन ‘ए’ क्याप्सुल र २०५६ सालदेखि जुकाको औषधि नियमित खुवाउन थालेको हो । रासस

Read More

२०८२ कार्तिक २१, शुक्रबार ०५:२९ २०८२ कार्तिक २१, शुक्रबार ०५:२९

दार्चुला नजिक भूकम्पको धक्का

अलगधार0 Commentsसमाचार

मकवानपुर । नेपालको सुदूरपश्चिम क्षेत्र दार्चुला नजिक भूकम्पको धक्का महसुस गरिएको छ । भूकम्प मापन केन्द्र (एनईएमआरसी–भूगर्भ विभाग)ले बिहीबार राति १० बजेर ४० मिनेटमा दार्चुला जिल्लाको तवाघाट आसपास भारत सीमाक्षेत्र केन्द्रबिन्दु भएर स्थानीय रिक्टर स्केल अनुसार ४.१ म्याग्निच्युडको भूकम्प गएको जनाएको हो । भूकम्पको प्रभाव दार्चुला आसपासका क्षेत्रमा हल्का रूपमा महसुस गरिएको भए पनि अहिलेसम्म कुनै मानवीय क्षति वा भौतिक नोक्सानीको विवरण प्राप्त भएको छैन । सुदूरपश्चिमका विभिन्न जिल्लामा पछिल्ला वर्षहरूमा साना ठुला भूकम्पका झट्का अनुभव भइरहेका छन् । भूगर्भ विभागले नागरिकलाई सचेत रहन र आधिकारिक जानकारीका लागि विभागको सूचना अनुसरण गर्न आग्रह गरेको छ ।

Read More

२०८२ कार्तिक २०, बिहीबार १०:०९ २०८२ कार्तिक २०, बिहीबार १०:०९

गोरखामा कृषि, पर्यटन र व्यापार प्रवर्धनको तेस्रो मेला सुरु

अलगधार0 Commentsसमाचार

मकवानपुर । गोरखा सदरमुकामस्थित हरमटारी खेलकुद मैदानमा बिहीबारदेखि तेस्रो कृषि, पर्यटन तथा व्यापार मेला सुरु भएको छ । गोरखा चेम्बर अफ कमर्स र नेपाल ओमन चेम्बर अफ कमर्सको संयुक्त आयोजनमा गोरखामा तेस्रो कृषि, पर्यटन तथा व्यापार प्रवर्धन मेला सुरु भएको हो । तेस्रो कृषि, पर्यटन तथा व्यापार प्रवर्धन मेलाको उद्देश्य स्थानीय कृषि उत्पादन, साना तथा मझौला उद्यम, र सांस्कृतिक विविधतालाई प्रवर्धन गर्ने मुख्य उद्देश्य रहेको आयोजकले जनाएको छ । मेलामा १५० वटा स्टल रहन्छन् भने गोरखाका ११ वटा पालिकाका कृषक, उद्यमी तथा व्यवसायीहरूले आफना उत्पादन र सेवाहरू प्रदर्शन तथा बिक्री गर्ने अवसर भएको बताइएको छ । स्थानीय स्तरको उत्पादनको बजार…

Read More

२०८२ कार्तिक २०, बिहीबार ०९:१० २०८२ कार्तिक २०, बिहीबार ०९:१०

नवलपुरका २१ विद्यालयमा फुटबल वितरण

अलगधार0 Commentsखेलकुद, समाचार

मकवानपुर । अखिल नेपाल फुटबल सङ्घ (एन्फा) द्वारा फिफा फुटबल फर स्कुल्स कार्यक्रम अन्तरगत बिहीबार नवलपुरका २१ वटा विद्यालयलाई फुटबल हस्तान्तरण गरिएको छ । कावासोती तीन स्थित सिद्धार्थ आवासीय माविमा आयोजना गरिएको कार्यक्रममा अखिल नेपाल फुटबल सङ्घ (एन्फा) का अध्यक्ष पङ्कजविक्रम नेम्वाङले विद्यालयका प्रतिनिधिहरूलाई फुटबल हस्तान्तरण गर्नुभएको हो । कावासोती १२ का वडाध्यक्ष तथा नगर खेलकुद विकास समिति अध्यक्ष ध्रुव खनाल (दिपेश), (एन्फा) उपाध्यक्षद्वय दावा लामा र दीपक खतिवडा सदस्य भरत बुुडा थापा र पुरुषोत्तम थापा लगायतको उपस्थितिमा फुटबल हस्तान्तरण गरिएको हो । प्याब्सन नवलपुरका अध्यक्ष समेत रहनुभएका कावासोती १६ डण्डामा रहेको नवलपुर एकेडेमीका प्रिन्सिपल हरिहर अधिकारीलाई फुटबल हस्तान्तरण गरि…

Read More

२०८२ कार्तिक २०, बिहीबार ०८:०४ २०८२ कार्तिक २०, बिहीबार ०८:०४

दोहा भ्रमणपछि राष्ट्रपति पौडेल स्वदेश प्रस्थान

अलगधार0 Commentsराजनीति, समाचार

मकवानपुर । राष्ट्रपति रामचन्द्र पौडेल कतारको राजधानी दोहामा मङ्गलबारदेखि शुरु भएको ‘सामाजिक विकासका लागि दोस्रो विश्व शिखर सम्मेलन’मा सहभागी भएर आज यहाँबाट स्वदेश प्रस्थान गर्नुभएको छ । उहाँलाई यहाँस्थित हमाद अन्तर्राष्ट्रिय विमानस्थलमा कतारका लागि नेपाली राजदूत रमेशचन्द्र पौडेल र कतारको विदेश मन्त्रालय एवम् नेपाली दूतावासका उच्च अधिकारीले बिदाई गर्नुभएको थियो । कतारका अमिर शेख तमिम बिन हमद अल थानीको निमन्त्रणामा ‘सामाजिक विकासका लागि दोस्रो विश्व शिखर सम्मेलन’मा सहभागी हुन राष्ट्रपति पौडेल नेपाली प्रतिनिधिमण्डलको नेतृत्व गर्दै सोमबार यहाँ आइपुग्नु भएको हो । उहाँले संयुक्त राष्ट्रसङ्घको महासभाको निर्णयअनुसार दोहामा भएको ‘सामाजिक विकासका लागि दोस्रो विश्व शिखर सम्मेलन’ को मुख्य सत्रलाई मङ्गलबार सम्बोधन…

Read More

२०८२ कार्तिक २०, बिहीबार ०७:५७ २०८२ कार्तिक २०, बिहीबार ०७:५७

किसानको बारीमा फुल्यो तोरी

अलगधार0 Commentsसमाचार

मकवानपुर । नगदे बालीको रूपमा रहेको तोरी किसानको बारीभरि फुलेको छ । मकै स्याहारेपछि तोरी छरेका किसानको बारी यतिबेला पहेँलै बनेका छन् । केही दिनअघि परेको पानीले तोरी बालीलाई फाइदा पुगेको किसानको भनाइ छ । पाल्पाको रामपुर, माडी, तानसेन, बगनासकाली, पूर्वखोला, रिव्दीकोटका किसानले लगाएका तोरी फलेर बारी नै पहेँलै बनेको हो । पाल्पाका किसानले सिँचाइ नहुने बारीमा मकै र तोरीको खेती गर्ने गरेका छन् । किसानले तोरीबाट तेल पेलेर घरमै प्रयोग गर्ने गरेका छन् । तोरीले तेलमा आत्मनिर्भर बनाएको किसानको भनाइ छ ।

Read More

२०८२ कार्तिक २०, बिहीबार ०७:१५ २०८२ कार्तिक २०, बिहीबार ०७:१५

लागुऔषधसहित युवक पक्राउ

अलगधार0 Commentsसमाचार

मकवानपुर । प्रहरीले काठमाडौं गोकर्णेश्वर नगरपालिका-८ बेशीगाँउबाट लागूऔषधसहित एक युवकलाई पक्राउ गरेको छ । नेपाल प्रहरीको अपराध अनुसन्धान ब्युरो र बौद्ध वृत्तको संयुक्त टोलीले सिन्धुलीको रानीचुरी गाउाँपालिका-३ घर भएका बेशीगाउँ बस्ने २१ वर्षीय पेम्बा तामाङलाई लागूऔषधसहित पक्राउ गरेको हो । स्थानीय श्याम खलेडाको घरमा बहाल बस्दै आएका तामाङको कोठाबाट फेनारगन ५४ पिस, डाईजापाम ५४ पिस र नोरफिन ५४ गरी १६२ पिस ९एम्पुल० बरामद गरिएको प्रहरीले जनाएको छ । तामाङलाई थप अनुसन्धानका लागि प्रहरी वृत्त बौद्धको नियन्त्रणमा राखिएको छ ।

Read More