Day: २०८२ आश्विन २५, शनिबार १३:२५

मकवानपुर । शिक्षा, विज्ञान तथा प्रविधि मन्त्रालयले त्रिभुवन विश्वविद्यालयको जग्गा तथा सम्पत्ति खोजबिन समितिको प्रतिवेदन, २०८१ सार्वजनिक गरी कार्यान्वयनको तयारी गरेको छ । मन्त्रिपरिषद्को यही असोज २३ गतेको बैठकले प्रतिवेदन सार्वजनिक र कार्यान्वयन गर्न जिम्मेवारी दिएपछि मन्त्रालयले सोको तयारी गरेको हो । शिक्षामन्त्री महावीर पुनले आफूले प्रतिवेदन सार्वजनिक गर्न निर्देशन दिएको सामाजिक सञ्जालबाट जानकारी दिनुभएको छ । गत पुस २ गते तत्कालीन प्रधानमन्त्री केपी शर्मा ओलीसमक्ष तत्कालीन शिक्षा, विज्ञान तथा प्रविधिमन्त्री विद्या भट्टराई र विश्वविद्यालयका पदाधिकारीसहितको उपस्थितिमा खोजबिन समितिका सदस्य महेन्द्र थापाले सो प्रतिवेदन हस्तान्तरण गर्नुभएको थियो । विसं २०८० जेठ १७ गते मन्त्रिपरिषद्बाट पूर्वसचिव शारदाप्रसाद त्रितालको संयोजकत्वमा पाँच सदस्यीय…

मकवानपुर । तनहुँको बन्दीपुर गाउँपालिका–५ बाहुनभन्ज्याङका ७३ वर्षीय पूर्व प्रहरी हवलदार खुदबहादुर आलेको भिरबाट लडी मृत्यु भएको छ । इलाका प्रहरी कार्यालय बन्दीपुरका अनुसार शुक्रबार साँझ करिब ५ बजेर ३ मिनेट जाँदै गर्दा आफन्तको बिहेबाट घर फर्किने क्रममा आले दुर्घटनामा परेका हुन् । उनी सोही गाउँपालिका–५ स्थित सडक खण्डमा सन्तुलन गुमाई करिब १५ मिटर तल खसेका थिए । घाइते अवस्थामा स्थानीयले देखेर उहाँलाई उपचारका लागि आँबुखैरेनी अस्पताल पुर्‍याए पनि डाक्टरले साँझ ६ बजेर ३ मिनेटमा मृत घोषणा गरेका थिए । जिल्ला प्रहरी कार्यालय तनहुँका सूचना अधिकारी प्रहरी नायब उपरीक्षक श्रवणकुमार विकका अनुसार घटनाबारे थप अनुसन्धान भइरहेको छ ।

मकवानपुर । प्रधानमन्त्री सुशीला कार्कीसँग मुलुकको समसामयिक राजनीतिक परिस्थिति, जेनजीका माग सम्बोधन र आसन्न निर्वाचनलगायत विषयमा जेनजी समूहका प्रतिनिधिसँग आज राष्ट्रपति कार्यालयमा छलफल भएको छ । राष्ट्रपति रामचन्द्र पौडेलको आह्वानमा जारी छलफलमा प्रधानमन्त्री कार्की मन्त्री र जेनजी समूहका प्रतिनिधि सुदन गुरुङ, प्रवेश दाहाल, मिराज ढुङ्गानालगायत सहभागी हुनुहुन्छ । छलफलमा सुशासन, संविधान संशोधनलगायत विषयमा जेनजी समूहका प्रतिनिधिले आफ्ना धारणा प्रस्तुत गरेका छन् । आगामी निर्वाचनमा केन्द्रित भएर विघटित प्रतिनिधिसभामा प्रतिनिधित्व गरेका राजनीतिक दलका नेताबीच शुक्रबार राष्ट्रपति भवनमा छलफल भएको थियो । युवाहरूको आन्दोलनपछि जेनजी समूहका प्रतिनिधिसँग राष्ट्रपति भवनमा पहिलोपटक छलफल भएको हो ।

मकवानपुर । जेनजी आन्दोलन र वर्षाले सुस्ताएको मनाङको पर्यटन अक्टोबर लागेसँगै उकालो लागेको छ । चाडपर्व सुरु, मौसममा सुधार भएसँगै यो सिजनको पहिलो महिना अक्टोबरको सुरुमै दैनिक एक हजार बढी पर्यटकले मनाङको भ्रमण गरेका छन् । सन् २०२५ सेप्टेम्बर महिनामा अनापूर्ण सर्किट ट्रेक तथा अन्य पदयात्रा मार्गहरूका लागि अन्नपूर्ण संरक्षण क्षेत्र आयोजना (एक्याप) मनाङअन्तर्गत कुल दुई हजार आठ सय ६५ पर्यटकहरू प्रवेश गरेको अन्नपूर्ण संरक्षण क्षेत्र आयोजना (एक्याप) इलाका संरक्षण कार्यालय मनाङका प्रमुख ढकबहादुर भुजेलले बताउनुभयो । भुजेलले एक हजार सात सय २९ पुरुष, एक हजार एक सय ३५ महिला, तथा एक अन्य पर्यटकले मनाङ भ्रमण गरेको बताउनुभयो । उहाँका…

मकवानपुर । दोलखाको तामाकोसी गाउँपालिकाले बाढी पहिरोपीडितलाई अस्थायी आवास बनाउन ५० हजार अनुदान दिने भएको छ । शुक्रबार बसेको गाउँपालिकाको विपद् व्यवस्थापन समितिको बैठकले पहिरोको उच्च जोखिममा घरहरुको अस्थायी आवास निर्माण गर्न गाउँपालिकाले ५० हजार रुपियाँ दिने निर्णय गरेको हो । यही असोज १८ गतेको अविरल वर्षाका कारण तामाकोशी गाउँपालिका वडा नम्बर २ को रातो पहिरो र वडा नम्बर १ को जोगिटार माझीगाउँ पहिरोका कारण १३ घरधुरी उच्च जोखिममा परेका थिए । पहिरोस्थल निरीक्षण, प्रहरी मुचुल्का र भौगर्भिक अध्ययन प्रतिवेदनबाट पहिचान भएका पहिरोबाट जोखिम घरपरिवारलाई तत्काल जोखिम भएको स्थानबाट स्थानान्तरण गरिने निर्णय गरिएको तामाकोसी गाउँपालिकाका प्रमुख प्रशासकीय अधिकृत अर्जुन दर्जीले…

मकवानपुर । काठमाडौँ महानगरपालिकाले सामुदायिक विद्यालयमा अध्ययनरत ११ हजार ६३७ जना छात्रछात्राको आँखा जाँच गर्दा एक हजार २६० जनामा दृष्टिसम्बन्धी समस्या भेटिएको जनाएको छ । कामपा स्वास्थ्य विभागले नेपाल नेत्र ज्योति सङ्घ र कीर्तिपुर आँखा अस्पतालसँगको सहकार्यमा हरेक वडाबाट कम्तीमा एउटा विद्यालय पर्नेगरी विद्यालय छनोट गरेर परीक्षण गरिएको जनाइएको छ । विभागका प्रमुख दीपककुमार केसीका अनुसार परीक्षण कक्षा १ देखि कक्षा १० सम्मका छात्रछात्रालाई सहभागी गराइएको थियो । जसमा छ हजार १७५ जना छात्र र पाँच हजार ४६२ जना छात्रा थिए । जाँच गरिएकामध्ये करिब १० दशमलव ८३ प्रतिशत अर्थात् एक हजार २६० जना छात्रछात्रामा नजिकको देख्न नसक्ने या टाढाको…

मकवानपुर । नेकपा (एमाले) का प्रचार विभाग प्रमुख राजेन्द्रप्रसाद गौतमले देशलाई राजनीतिक स्थायित्व र समाधानको बाटोमा अघि बढाउन जेनजी आन्दोलनका प्रतिनिधिहरू समेत सम्मिलित सर्वदलीय सरकार गठन अपरिहार्य रहेको बताउनुभएको छ । शनिबार संखुवासभाको खाँदबारीमा सञ्चारकर्मीहरूसँग कुरा गर्दै गौतमले हालको आन्दोलनमा जेनजीका तर्फबाट उठाइएका मागहरूलाई संवैधानिक प्रक्रिया र राष्ट्रिय सहमतिको माध्यमबाट मात्र सम्बोधन गर्न सकिने स्पष्ट पार्नुभयो । उहाँले भन्नुभयो, “जेनजीका वास्तविक मागहरू जनतासँग प्रत्यक्ष रूपमा जोडिएका छन् । ती मागहरूलाई संवैधानिक प्रक्रियाबाटै सम्बोधन गर्नका लागि सबै दल र आन्दोलनरत पक्षबिच सहकार्य आवश्यक छ ।” गौतमका अनुसार, जेनजी आन्दोलन शान्तिपूर्ण रूपमा अघि बढेको भए पनि केही घुसपैठकर्ताहरूले आगजनी र तोडफोड गरी…

मकवानपुर । छठ पर्वका लागि घर लिप्ने माटो खन्ने क्रममा पुरिँदा एक जना महिलाको मृत्यु भएको छ भने दुई जना गम्भीर घाइते भएका छन् । बाराको सिम्रौनगढ नगरपालिकाको नयाँ भवनको दक्षिणतर्फ रहेको ढिस्कोमा उनीहरू आज बिहान माटो खन्न गएका थिए । जिल्ला प्रहरी कार्यालय बाराका प्रवक्ता विजयराज पण्डितका अनुसार मृत्यु हुनेमा सिम्रौनगढ नगरपालिका–५ निवासी ६५ वर्षीया शरदा देवी रहेकी छिन् भने गम्भीर घाइतेहरूको नाम खुल्न सकेको छैन । उहाँका अनुसार घटनामा परी अन्य १० जना सामान्य घाइते भएका छन् । भाइतेहरूलाई उपचारका लागि प्रदेशिक अस्पताल कलैयाका ल्याइरहेको छ । घटनापछि तत्काल सशस्त्र प्रहरी र जनपथ प्रहरीले घाइतेहरूको उद्धार गरेका थिए…