नेप्से परिसूचक ७ अङ्कले घट्यो

काठमाण्डौ । कारोबार हुने हप्ताको अन्तिम दिन आज शुक्रबार नेप्से परिसूचक सामान्य अङ्कले घटेको छ ।

नेप्से परिसूचक आज ७.३७ अङ्कले घटेर २ हजार ६४३.८३ मा झरेको हो । नेपाल स्टक एक्सचेञ्जका अनुसार आज विभिन्न कम्पनीका ९७ लाख ५४ हजार ४०३ कित्ता शेयर ४ अर्ब २७ करोड ५६ लाख रुपैयाँ बराबरको शेयर खरिद बिक्री भएको छ । आ

ज १३ उपसमूहमध्ये चार उपसमूहको शेयर मूल्य बढ्दा नौ उपसमूह घटेका छन् । आज १०१ कम्पनीको शेयर बढ्यो भने १६४ कम्पनीको मूल्य घट्नुका साथै १२ कम्पनीको मूल्य स्थिर रह्यो ।

हिजो नेप्से सूचक ८.८१ अङ्क बढेको थियो । त्यस्तै ३ अर्ब ७२ करोड रुपैयाँ बराबरको सेयर खरिदबिक्री भएको थियो ।