मालपोतका खरिदारविरुद्ध दुई लाख घुस प्रकरणमा मुद्दा दर्ता
मकवानपुर । अख्तियार दुरुपयोग अनुसन्धान आयोगले मालपोत कार्यालय, धुलिखेल काभ्रेपलाञ्चोकका खरिदार ज्ञानेन्द्रप्रसाद भण्डारीविरुद्ध दुई लाख रुपियाँ घुस प्रकरणमा विशेष अदालत काठमाडौंमा आरोपपत्र दायर गरेको छ।
आयोगका अनुसार भण्डारीले साविक दोलालघाट गाविस–७ मा रहेको फिल्ड बुकमा दर्ता छुट भएका जग्गाधनीको नाममा छुट दर्ता गर्ने प्रयोजनका लागि सेवाग्राहीसँग घुस मागी लिएको प्रमाणित भएको हो।
उक्त उजुरीका आधारमा आयोगको टोलीले भण्डारीलाई दुई लाख रुपियाँ घुस लिइसकेको अवस्थामा नियन्त्रणमा लिएको थियो।
आयोगको अनुसन्धानले भण्डारीले सेवाग्राहीसँग अवैध लाभका लागि रकम मागी लिएको पुष्टि भएपछि उनलाई भ्रष्टाचार निवारण ऐन, २०५९ को दफा ३ को उपदफा (१) बमोजिम भ्रष्टाचारको कसुरमा दोषी ठहर गर्न मागदाबीसहित विशेष अदालतमा आरोपपत्र दायर गरिएको जनाएको छ।
आरोपपत्रमा आयोगले भण्डारीमाथि बिगो रु. २ लाख कायम गरी सोही परिमाणको जरिवाना र कैद सजाय मागदाबी गरेको छ।
आयोगका प्रवक्ता राजेन्द्रकुमार पौडेलका अनुसार सरकारी सेवामा रहेर घुस लिने कर्मचारीमाथि अख्तियारले शून्य सहनशीलताको नीतिअनुसार कारबाही अघि बढाउँदै आएको छ।
मुख्य समाचार
३३ जिल्लामा बाढीको जोखिम, मुख्य नदीहरुमा बहाव बढ्न सक्ने
काठमाण्डौ । बाढी पूर्वानुमान महाशाखाले आउँदो तीन दिन देशका प्रमुख तथा सहायक नदीहरूमा बहाव बढ्ने पूर्वानुमान गरेको छ ।
महाशाखाल...
१ हजार ६०० रुपैयाँले बढ्यो सुनको भाउ
काठमाण्डौ । कारोबार हुने हप्ताको दोस्रो दिन आज सुनचाँदीको भाउ केही बढेको छ । सुनको भाउ तोलामा १ हजार ६०० रुपैयाँले बढेर ३ लाख ६ ...
नेप्से परिसूचक ७ अङ्कले घट्यो
काठमाण्डौ । कारोबार हुने हप्ताको अन्तिम दिन आज शुक्रबार नेप्से परिसूचक सामान्य अङ्कले घटेको छ ।
नेप्से परिसूचक आज ७.३७ अङ्कले घ...
हर्मुजमा तेल चुहावटपछि इरानले माग्यो क्षतिपूर्ति
इरानले हर्मुज जलमार्गमा भएको तेल चुहावटका कारण आफ्नो दक्षिणी क्वेशम टापुको तटीय तथा समुद्री क्षेत्रमा वातावरणीय क्षति पुगेको भन्...