Day: २०८२ मंसिर १८, बिहीबार ०९:०१

२०८२ मंसिर १८, बिहीबार ०९:०१ २०८२ मंसिर १८, बिहीबार ०९:०१

भन्सार छलीको सामग्रीसहित तीन गाडी नियन्त्रणमा

अलगधार0 Commentsसमाचार

मकवानपुर । झापामा प्रहरीले ठुलो परिमाणमा राजस्व छलीका सामान बरामद गरेको जनाएको छ । जिल्ला प्रहरी कार्यालय झापाका प्रवक्ता खगेन्द्रबहादुर खड्काका अनुसार तीनवटा सवारी साधनसहित ठुलो परिमाणमा राजस्व छलीको सामग्री बरामद गरिएको हो । बुधबार अपरान्ह चेकजाँचको क्रममा मे १ च ६८९२, प्र १–०१–००१ च ७५२४ र मे १ च ४०४५ नम्बरका तीन वटा गाडी रोक्दा अवैध सामान फेला परेको खड्काले जानकारी दिनुभयो । सवारीसाधन र चालकसहित ठुलो परिमाणमा रक्सि लगायतका सामग्री बरामद गरिएको प्रहरीको भनाइ छ । बच्चाको डाइपर ४१ काटुन, इन्चान्टर लेखिएको कस्मेटिक सामान १९ काटुन, चुलबुल लेखिएको रक्सी २०० काटुन, गोर्खा बियर १५० काटुन, ओरियो बिस्कुट १६…

Read More

२०८२ मंसिर १८, बिहीबार ०८:१५ २०८२ मंसिर १८, बिहीबार ०८:१५

भरतपुरमा प्राङ्‍गारिक सूर्यमुखीखेती

अलगधार0 Commentsअन्तर्राष्ट्रिय, समाचार

मकवानपुर । चितवनको भरतपुर महानगरपालिका–१५, श्रीपुरका किसान चन्द्रप्रसाद अधिकारीले यस वर्ष दुई बिघा १० कठ्ठा क्षेत्रफलमा शतप्रतिशत प्राङ्‍गारिक तरिकाले सूर्यमुखीखेती लगाएका छन् । अधिकारीका अनुसार दुई वर्षअघि पनि सोही बाली लगाउँदा दाना तथा तेलको उच्च माग देखिएको र बाली चक्र प्रणालीअनुसार सूर्यमुखी उपयुक्त ठहरेकाले यस वर्ष फेरि सूर्यमुखी लगाइएको हो । उनले भने, ‘पाँच दिनसम्म दैनिक १० जनाको श्रम प्रयोग गरी रोपाइँ सम्पन्न गरिएको छ, यस वर्ष करिब ३० क्विन्टल उत्पादन हुने अनुमान छ ।’ उनले अघिल्लो पटक सूर्यमुखीको तेल लिटरमा ८०० रुपैयाँ र दाना प्रतिकिलो ५०० रुपैयाँमा बिक्री भएको जानकारी दिए । यसपटक अधिकारीले एकल रूपमा खेती गरेका हुन्…

Read More

२०८२ मंसिर १८, बिहीबार ०८:०३ २०८२ मंसिर १८, बिहीबार ०८:०३

एनपिएलः पोखरा टस जितेर बलिङमा

अलगधार0 Commentsखेलकुद, समाचार

मकवानपुर । राजधानीमा जारी दोस्रो संस्करणको नेपाल प्रिमियर लिग (एनपिएल)मा आजको पहिलो खेलमा पोखरा एभेन्जर्स र काठमाडौँ गोर्खाज भिड्दैछन् । त्रिभुवन विश्वविद्यालय अन्तरराष्ट्रिय क्रिकेट रङ्गशाला, कीर्तिपुरमा पोखराले टस जितेर बलिङ रोजेको छ । पाँच खेलबाट चार अङ्क मात्रै जोडेको पोखरालाई प्लेअफको सम्भावना जीवित राख्न जित्नै पर्ने दबाब छ । काठमाडौँले भने छ खेलबाट आठ अङ्क जोडेको छ । लिग चरणको अन्तिम खेलमा जित निकालेर काठमाडौँ प्लेअफमा सुरक्षित हुन चाहन्छ । आजै अपरान्ह ४ बजे हुने दोस्रो हुने खेलमा सुदूरपश्चिम रोयल्स र चितवन राइनोज प्रतिस्पर्धा गर्नेछन् । मङ्सिर १ गतेदेखि सुरू भएको प्रतियोगितामा आठ टोली सहभागी छन् ।

Read More

२०८२ मंसिर १८, बिहीबार ०७:४७ २०८२ मंसिर १८, बिहीबार ०७:४७

उत्साहपूर्वक मनाइँदै उधौली पर्व

अलगधार0 Commentsसमाचार

मकवानपुर । किरात समुदायको प्रमुख सांस्कृतिक पर्व उधौली आज देशभर, विशेषतः पूर्वी पहाडी भूभागमा, हर्षोल्लासपूर्वक मनाइँदै छ । किरात समुदायभित्रका लिम्बू, राई, सुनुवार र याख्खा जातिले मङ्सिर पूर्णिमाको दिनलाई चासोक तङनाम (न्वागी) का रूपमा सम्मानपूर्वक मनाउने चलन छ । लिम्बू समुदायमा नयाँ अन्न अर्पण गरी प्रकृतिप्रति कृतज्ञता व्यक्त गर्ने परम्परालाई चासोक तङनाम भनिन्छ । त्यसअनुरूप पाँचथर लगायत पूर्वका विभिन्न स्थानमा आज बिहानैदेखि मौलिक नृत्य, गीत–सङ्गीत तथा सांस्कृतिक कार्यक्रमको आयोजना गरिएको छ । प्रकृतिपूजकका रूपमा परिचित किरात समुदायले आजकै दिन नयाँ अन्न चढाइ न्वागी खानेरी पर्वको मूख्य विधि सम्पन्न गर्छन् । फिदिमस्थित सुम्हालुङ मन्दिर, सिलौती, लव्रेकुटी लगायतका पूजनीय स्थलमा बिहानदेखि भक्तजनको…

Read More

२०८२ मंसिर १८, बिहीबार ०७:०० २०८२ मंसिर १८, बिहीबार ०७:००

अन्तर्राष्ट्रिय बैंक दिवस आज

अलगधार0 Commentsसमाचार

मकवानपुर । डिसेम्बर ४ अर्थात् अन्तर्राष्ट्रिय बैंक दिवस हो। राष्ट्रसंको आह्वानमा विश्वका विभिन्न मुलुकमा यो दिवस मनाइन्छ। बैंक तथा वित्तीय संस्थाहरूलाई दिगो विकास लक्ष्य कार्यान्वयन, जलवायु अनुकुल वित्त, जीवनस्तर सुधार र समावेशी आर्थिक विकासमा सक्रिय भूमिका निर्वाहमा प्रेरित गर्नु यो दिवसको लक्ष्य हो। यसैगरी बिहीबार नै एकपक्षीय दबाबविरुद्धको अन्तर्राष्ट्रिय दिवस पनि मनाइँदैछ। यो दिवस यसै वर्षदेखि मनाउन लागिएको हो। राष्ट्रसंघीय महासभाले गत जुनमा विश्वव्यापी रूपमा अन्तर्राष्ट्रिय कानुन र संयुक्त राष्ट्रसङ्घको चार्टरअनुसार नभएको एकपक्षीय दबाबका नकारात्मक प्रभावबारे चेतना फैलाउन र मुलुकहरूबीच सहकार्य र एकताका प्रयासलाई प्रोत्साहन गर्ने उद्देश्यका साथ यो दिवस मनाउने घोषणा गरेको हो।

Read More

२०८२ मंसिर १८, बिहीबार ०६:५७ २०८२ मंसिर १८, बिहीबार ०६:५७

चितवनको सौराहा घुम्न आएकी एक किशोरीको मृत्यु

अलगधार0 Commentsसमाचार

मकवानपुर । पर्यटकीय नगरी चितवनको सौराहामा घुम्न आएकी एक किशोरीको होटलको चौथो तलाको झ्यालबाट खसेर मृत्यु भएको छ । मृत्यु हुनेमा सिन्धुलीको कमलामाई नगरपालिका–६ बस्ने १८ वर्षीया स्नेहा पाख्रिन छिन् । सिद्धबाबा प्लस टु म्यानेजमेन्ट गुरुकुलमा अध्ययनरत ती किशोरी विद्यालयको शैक्षिक भ्रमणमा आएकी थिइन् । जिल्ला प्रहरी कार्यालय चितवनका सूचना अधिकारी रविन्द्र खनालका अनुसार उनी पूर्वी चितवनको रत्ननगर नगरपालिका वडा नं. ६ सौराहास्थित पार्क साइड होटलको चौथो तलाको झ्यालबाट गएराति ११ बजेतिर खसेकी थिइन् । उनलाई उपचारका लागि रत्ननगर बकुहलर अस्पताल लगिएकोमा चिकित्सकले ११:४५ बजे मृत घोषणा गरेका थिए ।शवलाई पोष्टमार्टमका लागि भरतपुर सरकारी अस्पताल पठाइएको प्रहरीले जनाएको छ ।…

Read More

२०८२ मंसिर १८, बिहीबार ०६:४४ २०८२ मंसिर १८, बिहीबार ०६:४४

मोटरसाइकल दुर्घटनामा प्रहरी सहायक हबल्दारको मृत्यु

अलगधार0 Commentsसमाचार

मकवानपुर । विराटनगरको बरगाछीमा मोटरसाइकल दुर्घटना हुँदा एकजना प्रहरी सहायक हबल्दारको मृत्यु भएको छ । बुधबार राति भएको दुर्घटनामा बेलबारी नगरपालिका–८ घर भई कोशी प्रदेश प्रहरी कार्यालय रानी, विराटनगरमा कार्यरत ३० वर्षीय प्रहरी सहायक हबल्दार भीम खड्काको मृत्यु भएको हो । प्रहरीका अनुसार, गएराति करिब १२:२५ बजे विराटनगर महानगरपालिका–३ बरगाछी चोक नजिक कोशी राजमार्गमा उनी सवार बा. प्र. ०२–०४३ प ७७१६ नम्बरको मोटरसाइकल दुर्घटना भएको थियो । रानीबाट कञ्चनबारीतर्फ जाँदै गर्दा भएको दुर्घटनामा गम्भीर घाइते भएका खड्कालाई प्रहरीले उद्धार गरी उपचारका लागि विराट नर्सिङ होम पुर्‍याएको थियो । उपचारकै क्रममा आज बिहान ४ बजे खड्काको मृत्यु भएको प्रहरीले जनाएको छ…

Read More

२०८२ मंसिर १८, बिहीबार ०६:०४ २०८२ मंसिर १८, बिहीबार ०६:०४

धोबीखोलामा मृत भेटिएका व्यक्तिको पहिचान खुल्यो

अलगधार0 Commentsसमाचार

मकवानपुर । काठमाडौं महानरपालिका–२९ स्थित धोबीखोलामा मृत भेटिएका व्यक्तिको पहिचान खुलेको छ । मृत भेटिएका व्यक्ति काभ्रेको मण्डनदेउपुर नगरपालिका–१ घर भएका ५० वर्षीय ललित गिरी रहेको जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले बताए । शंखमुल बस्दै आएका उनी मदन भण्डारी कलेज अगाडिको धोबीखोलामा बिहीबार बिहान ६:५० बजे मृत भेटिएका हुन् । उनी साइकलसहित मृत भेटिएको प्रहरीले बताएको छ । उनको शव श्रीमतीले सनाखत गरेकी छिन् ।

Read More

२०८२ मंसिर १८, बिहीबार ०५:५३ २०८२ मंसिर १८, बिहीबार ०५:५३

सुनचाँदीको मूल्यमा सामान्य गिरावट

अलगधार0 Commentsअर्थ, समाचार

मकवानपुर । बुधबारको तुलनामा आज सुनचाँदीको मूल्यमा केही कमी आएको छ । नेपाल सुनचाँदी व्यवसायी महासङ्घका अनुसार आज एक तोला सुनको मूल्य रु दुई लाख ५३ हजार ३०० कायम भएको छ भने चाँदीको मोल रु तीन हजार ६२५ निर्धारण भएको छ । बुधबार सुनको मूल्य प्रतितोला रु दुई लाख ५४ हजार १०० निर्धारण भएको थियो भने एक तोला चाँदी रु तीन हजार ६५५ मा कारोबार भएको थियो ।

Read More

२०८२ मंसिर १८, बिहीबार ०५:३४ २०८२ मंसिर १८, बिहीबार ०५:३४

काठमाडौंको धोबीखोलामा एक व्यक्ति मृत फेला

अलगधार0 Commentsसमाचार

मकवानपुर । काठमाडौंको धोबी खोलामा एक व्यक्ति मृत फेला परेका छन् । मदन भण्डारी कलेज नजिक खोलामा एक व्यक्ति मृत फेला परेका हुन् । प्रहरीका अनुसार मृत व्यक्तिको नजिकै साइकल पनि लडेको देखिन्छ । मृतकको पहिचान खुल्न बाँकी छ । घटनाबारे अनुसन्धान भइरहेको प्रहरीले जनाएको छ ।

Read More