Day: २०८२ फाल्गुन ११, सोमबार ०३:१६

हेटौंडा । राष्ट्रिय स्वतन्त्र पार्टी (रास्वपा) मकवानपुर सभापति भरत पराजुलीले पार्टी छाडेका छन् । उनी नेपाली कांग्रेस फर्किएका हुन् । पराजुलीलाई कांग्रेस सभापति गगनकुमार थापाले आफ्नो निर्वाचन क्षेत्र सर्लाही–४ मा सोमबार बिहान पार्टीमा स्वागत गरेका छन्  । कांग्रेस प्रवेश गरेसङ्गै पराजुलिले फेसबुकमा स्ट्याटस लेखेका छन् । पराजुली आसन्न प्रतिनिधिसभा सदस्य निर्वाचनमा रास्वापाबाट टिकट नपाएपछि असन्तुष्ट थिए । पराजुलीले यसअघि २०७९ मा भएको निर्वाचनमा मकवानपुर–२ बाट १२ हजारभन्दा बढी मत प्राप्त गरेका थिए । पराजुलीसँगै रास्वपाका मकवानपुर क्षेत्र नम्बर–२ का चुनावी संयोजक निराजन बर्तौला पनि कांग्रेसमा फर्किएको बताइएको छ ।

मकवानपुरगढी — फागुनको पारिलो घामसँगै मकवानपुर क्षेत्र नं. १ मा चुनावी चहलपहल तीव्र बन्दै गएको छ । आगामी फागुन २१ गते हुने प्रतिनिधिसभा निर्वाचन नजिकिँदै जाँदा उम्मेदवारहरूको दौडधुप मात्र होइन, गाउँबस्तीमा आशा र भरोसाको वातावरण पनि फैलिँदै गएको देखिन्छ । यसै क्रममा नेकपा एमालेका उम्मेदवार रामेश्वर राना आइतबार मकवानपुरगढीको घरदैलो अभियानमा निस्किए । यो अभियान औपचारिक भोट माग्ने कार्यक्रममा मात्र सीमित रहेन, उम्मेदवार र मतदाताबीचको आत्मीय सम्बन्ध झल्काउने दृश्यहरूले यात्रा अझ अर्थपूर्ण बनायो । मकवानपुरगढी–४ को सामरी कुनाबाट अभियान सुरु गर्दै रानाले मतदातासँग हात जोड्दै परिचय गराइरहँदा एक स्थानीय किसानले भने, ‘हजुरलाई नचिन्ने को छ र ? हजुर कर्मठ, इमान्दार…