आज सुनका भाउ घट्यो

काठमाण्डौं । हप्ताको अन्तिम कारोबार दिन आज शुक्रवार सुनको भाउ तोलामा १० हजार ५०० रुपैयाँले घटेको छ ।

आज सुन तोलाको २ लाख लाख ८६ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको २ लाख ९७ हजार २०० रुपैयाँ रहेको थियो ।

यो हप्ता सुनको भाउ समग्रमा ११ हजार ५०० रुपैयाँले घटेको छ । सोमवार १ गते सुनको भाउ ५ हजारले बढेर तोलाको २ लाख ९८ हजार २०० रुपैयाँमा कारोबार भएको थियो । यस्तै सुनको भाउ मङ्गलवार ३०० रुपैयाँले बढेको थियो भने बुधवार १ हजार २०० र हिजो बिहीवार १०० रुपैयाँले घटेको थियो ।

आज चाँदीको भाउ पनि घटेको छ । चाँदीको भाउ ३०५ रुपैयाँले घटेर तोलाको ४ हजार ६४० रुपैयाँमा कारोबार भइरहेको महासङ्घले जनाएको छ । हिजो चाँदीको भाउ तोलाको ४ हजार ९४५ रुपैयाँ रहेको थियो ।