Day: २०८३ आश्विन १४, बुधबार ११:४९

हेटौँडा । नेकपा एमालेका सचिव तथा बागमती प्रदेश इन्चार्ज महेश बस्नेतले राजनीतिक चेतना, सैद्धान्तिक तथा वैचारिक ज्ञान र संस्थागत अनुभवबिनाको नेतृत्वले छोटो समयमै देशलाई सही दिशामा अघि बढाउन नसक्ने बताउनुभएको छ । बुधबार हेटौँडा–५ स्थित एमाले पार्टी कार्यालयमा आयोजित बागमती प्रदेश कमिटीको समन्वय बैठक तथा सम्पर्क कार्यालय उद्घाटन समारोहलाई सम्बोधन गर्दै बस्नेतले राज्य सञ्चालनको जिम्मेवारी पाउने नेतृत्वमा राजनीतिक चेतनासँगै वैचारिक स्पष्टता र संस्थागत अनुभव आवश्यक रहेको बताउनुभयो । उहाँले राष्ट्रिय स्वतन्त्र पार्टी (रास्वपा) नेतृत्वको सरकारको कार्यशैलीमाथि प्रश्न उठाउँदै बालेन्द्र शाहको नेतृत्वमा सरकार गठन भएको छ महिनामै देश कुन दिशातर्फ अघि बढिरहेको छ भन्ने विषय क्रमशः स्पष्ट हुँदै गएको दाबी गर्नुभयो…