Day: २०८३ कार्तिक १८, मंगलवार १२:०४

हेटौंडा । मकवानपुरको मनहरी गाउँपालिका–७ स्थित रिभरसाइड क्षेत्रका स्थानीय बासिन्दाले ऋद्धिसिद्धि सिमेन्ट उद्योगको खानी सञ्चालन तथा खानीसम्म पुग्ने सडक निर्माणका क्रममा खोलामा भइरहेको गतिविधिबारे छानबिन गर्न माग गरेका छन् । मंगलबार स्थानीय वीरेन्द्र डिसीको नेतृत्वमा गएको सरोकारवालाको टोलीले बागमती प्रदेशकी कृषि, पशुपन्छी, वन तथा वातावरणमन्त्री रमा आलेमगरलाई संयुक्त ज्ञापनपत्र बुझाउँदै खोलाको प्राकृतिक अवस्था र स्थानीय बस्तीको सुरक्षालाई ध्यानमा राखेर निर्माण कार्यको अनुगमन तथा छानबिन गर्न माग गरेको हो । स्थानीयका अनुसार खानीसम्म पुग्ने सडक निर्माणका क्रममा खोलाको किनार तथा खोलाभित्रै एक्स्काभेटरलगायतका भारी मेसिनरी प्रयोग गरी निर्माण कार्य भइरहेको छ । यसले खोलाको प्राकृतिक स्वरूप र बहावमा असर पुर्‍याउन सक्ने भन्दै…