गुप्तेश्वरी टोल विकास संस्थाको २३औं वार्षिक साधारणसभा सम्पन्न, अध्यक्षमा पुनः रुम्बा चयन

२५असोज/हेटौंडा – हेटौंडा–६, चौघडास्थित गुप्तेश्वरी टोल विकास संस्थाको २३औं वार्षिक साधारणसभा तथा अधिवेशन सम्पन्न भएको छ। संस्थाकी अध्यक्ष नानिमाया रुम्बाको अध्यक्षतामा सम्पन्न सभामा वडा नं. ६ का वडा सदस्य लेखराज ढकाल प्रमुख अतिथि रहेको थियो।

कार्यक्रममा वडा सदस्य मुना बिक, टोबिस नगर समन्वय समितिका उपाध्यक्ष बिष्णु ढुंगाना, चौघडा बचतका सचिव अर्जुन हुमागाई, वंशगोपाल माबीका सहायक प्रध्यानाध्यापक रबिन्द्र गौतम, नौलो बिहानी कृषि सहकारीका सचिव नेत्रप्रसाद ढुंगेल तथा प्रहरी चौकी चौघडाका प्रहरी वरिष्ठ नायब निरीक्षक अर्जुन देवकोटा लगाएतको उपस्थिति रहेको थियो।

सभामा गत वर्षको वार्षिक प्रगतिविवरण, आर्थिक प्रतिवेदन र आगामी वर्षको कार्ययोजना प्रस्तुत गरी सर्वसम्मत रूपमा पारित गरिएको थियो। वक्ताहरूले टोल विकास संस्थाले समुदायमा पु-याउँदै आएको सामाजिक, भौतिक र शैक्षिक योगदानको प्रशंसा गर्दै, आगामी दिनमा अझ सशक्त रूपमा अगाडि बढ्न शुभकामना व्यक्त गरे।

अधिवेशनले आगामी कार्यकालका लागि पुनः नानिमाया रुम्बाको अध्यक्षतामा ११ सदस्यीय नयाँ कार्यसमिति चयन गरेको छ। कार्यसमितिको उपाध्यक्षमा सुभद्रा आचार्य, सचीव अप्सरा कुमारी न्यौपाने, कोषाध्यक्ष सबिता सुब्बा चयन भएका छन्  । यस्तै सदस्यहरूमा सुशिला श्रेष्ठ, मिना कायस्थ, सरस्वती श्रेष्ठ, भावना सापकोटा, कबिता महर्जन र तारा मोक्तान रहेका छन् ।

कार्यक्रममा स्थानीय सरोकारवालाहरू, समाजसेवी, टोलवासी र विभिन्न संस्थाका प्रतिनिधिहरूको समेत उपस्थितिमा संस्थाको आगामी योजनाबारे छलफल गरिएको थियो।