पत्रपत्रिका

केशव अधिकारी चौतारा - विश्व रेडक्रस दिवसको पूर्वसन्ध्यामा चौतारा साँगाचोकगढी नगरपालिकाको आयोजनामा ‘रक्त सञ्चार सेवा केन्द्र उद्घाटन तथा खुला रक्तदान कार्यक्रम’ गरिएको छ । चौतारा अस्पताल परिसरमा आयोजित कार्यक्रममा नगरप्रमुख कृष्णप्रसाद सापकोटाले रक्त सञ्चार सेवा केन्द्रको उद्घाटन गरेका हुन्। नगरपालिकाले केन्द्रमा आवश्यक जनशक्ति र प्रविधिको व्यवस्था गरेको छ भने भवन सुविधा चौतारा अस्पतालले उपलब्ध गराएको हो। नगरप्रमुख सापकोटाले उद्घाटन समारोहमा बोल्दै नगर क्षेत्रभित्र सुरक्षित रक्त आपूर्तिको सुनिश्चितताका लागि यस्तो सेवा केन्द्र आवश्यक रहेको बताए। रगत आवश्यकता परेपछि मात्र खोज्ने वस्तु नभइ यसको लागि पूर्वतयारी आवश्यक हुने भन्दै उनले सेवा केन्द्रले आकस्मिक अवस्थामा महत्त्वपूर्ण भूमिका खेल्ने विश्वास व्यक्त गरे । कार्यक्रममा…

३० औँ जनयुद्ध दिवसको अवसरमा चौतारा साँगाचोकगढी नगरपालिकाले निशुल्क स्वास्थ्य शिबिर सम्पन्न गरेको छ । उक्त शिविरबाट झण्डै तीन सय जनाले सेवा पाए । शहीदहरूको गाउँ भनेर चिनिने सिन्धुपाल्चोकको कुबिण्डेका स्थानीयले आफनै घर आँगनमा जनयुद्ध दिवसको अवसरमा निशुल्क स्वास्थ्य सेवा पाएका हुन् । तत्कालिन नेकपा माओवादीले २०५२ साल फागुन १ गतेबाट जनमुक्तिीका लागि जनयुद्धको शंख घोष गरेको थियो । सोही बेलादेखि फागुन १ गतेलाई हरेक बर्ष जनयुद्ध दिवसको रुपमा मनाउँदै आएको छ । यस दिनमा हालको माओवादी घटकका पार्टीहरुले बिभिन्न कार्यक्रम गरि मनाएको छ । २०७२ सालको संबिधान र जनस्वास्थ्य सेवा नियमावली २०७७ मा स्थानीय सरकारलाई आधारभूत स्वास्थ्य सेवाको लागि…

जिल्लाको १२ स्थानीय तहमध्ये राजनीतिको केन्द्रमा रहेको चौतारा साँगाचोकगढी नगरपालिकाले आइतबार आर्थिक वर्ष ०८१/०८२ को नीति, कार्यक्रम र अनुमानित बजेट प्रस्तुत ग¥यो । १६ औँ नगरसभामा उपमेयर सीता थापाले लामो भाषण गरेर नीति तथा कार्यक्रम प्रस्तुत गरिन् । सभामा भएका सबै जनप्रतिनिधि, कर्मचारी, पत्रकार र प्रतिनिधिमूलक मानिसले चुपचाप थापाले वाचन गरेको दस्तावेज सुनिरहे । बिगतभन्दा नगरसभा शान्त र आसावादी देखिन्थ्यो । किनकि, सबै जनप्रतिनिधि नीति तथा कार्यक्रमबाट सन्तुष्ट र एकमना एकतासहित सहभागी भएजस्तो देखिन्थे । नगरप्रमुख कृष्णप्रसाद सापकोटा प्रशन्न मुद्रामा थिए । सायद, उनको स्वच्छता, पारदर्शिता र केही गरौँ भन्ने हुट्हुटीमा सहयात्री उपप्रमुख, वडाध्यक्षहरु, सबै सदस्य र कर्मचारी एउटै डुंगा…

सिन्धुपाल्चोक ,१ कार्तिक सुनकोशी गाउँपालिकाले विजया दशमी , शुभ दिपावली , नेपाल संवत् , छठ पर्वको अवसरमा चियापान तथा शुभकामना आदानप्रदान कार्यक्रम गरेको छ ।सोही अवसरमा सुनकोसी गाँउपालिकाद्वारा कान्तिपुर दैनिकका उपसम्पादक ऋषिराम पौडेललाई ’सिन्धु पत्रकारिता सेतो बाघ’ ले सम्मान गरिएको छ । अध्यक्ष टपिन्द्र तिमल्सिना , उपाध्यक्ष कान्छी तामाङसहित अन्य जनप्रतिनिधिले उहाँलाई दोसल्ला ओडाएर सम्मान गरेका छन्। ०४९ सालबाट राससबाट पत्रकारिता सुरु गरेका पौडेल नेपाल पत्रकार महासंघ सिन्धुपाल्चोकका पूर्वसभापति समेत छन् । सम्मानित पत्रकार ऋषिराम पौडेलले पत्रकारिता कमाई गर्ने पेशा नभएको र आय आर्जन गर्ने भए व्यापार व्यवसाय तिर लाग्न सुझाव दिदै समाज परिर्वतनका लागि दिनरात नभनि स्वतस्फुर्त रुपमा समाज…